E fundit!

08:27 Aktualitet

Helmohen sërish nga ushqimi dhjetëra kursantë të Akademisë së Sigurisë

Helmohen sërish kursantët e Akademisë së Sigurisë në Sauk....

Balla, mesazh opozitës: Të tregojmë se dimë të sillemi si një Parlament europian

14 Maj 2026, 12:07, Politikë CNA

Balla, mesazh opozitës: Të tregojmë se dimë të sillemi

Kreu i Grupit Parlamentar të Partisë Socialiste, Taulant Balla, ka deklaruar në Kuvend se procesi i integrimit të Shqipërisë në Bashkimin Europian kërkon qartësi politike, vetëdije historike dhe përgjegjësi institucionale.

Sipas tij, anëtarësimi në BE është objektivi strategjik madhor i vendit dhe orienton të gjithë agjendën e reformave. Balla theksoi se ky proces nuk duhet parë si një aspiratë e përgjithshme apo një slogan për t’u përsëritur, por si një objektiv konkret që po realizohet me hapa të qëndrueshëm.

Ai u shpreh se progresi i deritanishëm nuk ka ardhur rastësisht, por është rezultat i vullnetit politik, disiplinës dhe koordinimit mes institucioneve të ndryshme, përfshirë qeverinë, Kuvendin, pushtetin vendor, shoqërinë civile dhe sistemin e drejtësisë.

Balla nënvizoi gjithashtu se procesi i anëtarësimit nuk është vetëm agjendë e qeverisë, por një përgjegjësi e përbashkët institucionale. Sipas tij, sot nuk mjafton të deklarohet mbështetja për Europën, por duhet të tregohet edhe aftësia për të vepruar në përputhje me standardet e një Parlamenti europian.

“Jemi para një momenti që kërkon qartësi politike, vetëdije historike dhe përgjegjësi institucionale. Anëtarësimi i Shqipërisë në BE është objektivi ynë strategjik kombëtar madhor. Është objektivi që orienton agjendën tonë të reformave.

Nuk është aspiratë e përgjithshme, as slogan i bukur për t'u përsëritur. Vendi ynë nuk po ecën me hapin e dëshirës, por me hapin e realizimit. Përparimi s’ka ardhur rastësisht, por është rezultat i vullnetit të disiplinës dhe një koordinim mes qeverisë, Kuvendit, pushtetit vendor, shoqërisë civile dhe institucioneve të drejtësisë.

Ne kemi rolin më të rëndësishëm në këtë proces. Procesi i anëtarësimit nuk është agjendë qeveritare.

Sot nuk mjafton të themi që jemi pro Europës, por duhet të tregojmë se dimë të sillemi si një Parlament europian”, tha Balla./ CNA