web counter
LEXO PA REKLAMA!

SHKARKO APP

App Store
Google Play

E fundit!

x

"Po nuk je me më të fortin, nuk shijon demokraci"/ Alizoti: Shqipëria kontrollohet nga kartelet

13 Maj 2026, 22:25, Politikë CNA

"Po nuk je me më të fortin, nuk shijon demokraci"/ Alizoti:

Deputeti i Partisë Demokratike, Tomor Alizoti i ftuar në Syri Tv ka folur për procesin e integrimit dhe gjendjen në vend. Alizoti tha se Shqipëria sot është aspak demokratike dhe po shkon drejt një rruge autokracie.

Demokrati u shpreh se Shqipëria sot kontrollohet nga kartelet, nga krimi i organizuar.

Më tej, demokrati deklaroi se nuk ka nevojë të vijë dikush nga Europa dhe të thotë se çfarë ndodh në Shqipëri, pasi është mëse e ditur që po nuk je i lidhur me më të fortin nuk e shijon dot demokracinë.

 

 

“Sot Shqipëria që ne diskutojmë që flasim për atë, është më demokratike? Shqipëria është absolutisht jo më demokratike. Shqipëria sot ka marrë një rrugë e cila po shkon dhe po stabilizohet, me e thënë popullorçe fare, po betonizohet në autokraci sesa në demokraci. Pra janë dy elementë të kundërta. Dhe meqë diskutimi publik edhe mediatik është përqendruar shumë në çështje teknike, teknika është shërbimi i qëllimit. Pra është procedura e qëllimit të një vendi i cili kërkon të demokratizohet. Kjo Shqipëri që ne flasim sot e ka pothuajse një pjesë të madhe të rinisë të gjithë në emigrim. Kjo Shqipëri që ne flasim sot kontrollohet realisht, ngaqë unë nuk dua ta bëj këtë renditje që bandat, realisht kontrollohet nga krimi i organizuar, nga kartelet.

Po nuk ka nevojë sepse ne, përveç vlerësimit të tyre që vlejnë këto, po nuk ka nevojë të vijë dikush nga Belgjika, apo dikush nga Italia, nga Anglia, nga Gjermania, nga një vend i nderuar, të na thotë çfarë ndodh në Shqipëri. Ne e dimë që në Shqipëri, po nuk pate dy miq, po nuk je, po nuk je me të fortin dhe po të jesh vetë i dobët, nuk ke shans të jesh i lirë dhe të jetosh, të shijosh demokracinë”, tha Alizoti.





Lajmet e fundit nga