web counter
LEXO PA REKLAMA!

SHKARKO APP

Dëgjesa e Territoriales/ Balluku: Të ruhen 6 bashkitë e Fierit, u diskutua krijimi i rajoneve

12 Maj 2026, 22:30, Politikë CNA

Dëgjesa e Territoriales/ Balluku: Të ruhen 6 bashkitë e Fierit, u

Drejtuesja politike e PS, për qarkun e Fierit, Belinda Balluku ka folur pas dëgjesës së bërë nga Komisioni për Reformën Territoriale.

Balluku tha se e rëndësishme për qarkun që ajo drejton është të ruhen 6 bashkitë.

Deputetja deklaroi se në dëgjesën e sotme u diskutua krijimi i 4 rajoneve të mëdha që do të kryejnë detyrat që nuk mund të kryhen dot nga bashkitë sot.  

 

Ishte një seancë shumë interesante, pavarësisht ngjyrimeve politike. Dua të falënderoj Komisionin për Reformën. Qytetarët prekën pika kyçe dhe të rëndësishme për Reformën Territoriale. Pati dëshmi të qarta, sidomos nga bashkitë e vogla, që ka funksionuar bashkimi i komunave në bashki më të vogla. Për ne është e rëndësishme që të 6 bashkitë e qarkut Fier të ruhen, pasi Patosi dhe Roskoveci janë bashki me performancë financiare të plotë. Kemi dhe bashki që janë me identitet të fortë, si rasti i Mallakastrës, që nuk mund të përfshihet në bashki më të mëdha. U diskutua krijimi i rajoneve, që do të kryejnë të gjitha ato detyra që bashkitë sot nuk i kryejnë dot”, tha Balluku.





Lajmet e fundit nga