web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi dhe BE nisin projektin për modernizimin e veprimtarisë parlamentare

12 Maj 2026, 18:57, Politikë CNA

Kuvendi dhe BE nisin projektin për modernizimin e veprimtarisë

Sot në mjediset e Kuvendit të Shqipërisë u prezantua projekti “EU for Democracy”, program i Bashkimit Europian që synon forcimin e rolit të Kuvendit në procesin e anëtarësimit të Shqipërisë.

Të pranishëm në ceremoninë e nisjes së projektit ishin Kryetari i Kuvendit, Niko Peleshi; ambasadori i Delegacionit të Bashkimit Europian në Shqipëri, Silvio Gonzato; përfaqësues të mazhorancës dhe opozitës, si edhe drejtues të institucioneve të pavarura, përfaqësues të trupit diplomatik, shoqërisë civile dhe partnerë ndërkombëtarë.

Gjatë fjalës së tij, Peleshi e vlerësoi projektin si një hap të rëndësishëm në modernizimin e shërbimeve parlamentare dhe në forcimin e funksioneve legjislative e mbikëqyrëse të Kuvendit.

“Programi do të kontribuojë në rritjen e transparencës parlamentare, zgjerimin e bashkëpunimit me shoqërinë civile dhe median, si dhe në përshpejtimin e procesit të integrimit europian të Shqipërisë. Shqipëria ndodhet më pranë se kurrë anëtarësimit në BE, duke nënvizuar ritmin e shpejtë të negociatave dhe mbështetjen e gjerë publike për integrimin europian. Kuvendi ka marrë përgjegjësi të rëndësishme në përmbushjen e detyrimeve që lidhen me kapitujt e sundimit të ligjit dhe ka miratuar 23 ligje në kuadër të procesit të negociatave”,-tha Peleshi.

Ambasadori Gonzato u shpreh se reformat e lidhura me procesin e integrimit europian synojnë forcimin e transparencës, efikasitetit në përdorimin e fondeve publike dhe garantimin e shërbimeve cilësore për qytetarët.

“Një Kuvend i fortë, transparent dhe gjithëpërfshirës është thelbësor për avancimin e këtyre reformave dhe përgatitjen e Shqipërisë për anëtarësimin në Bashkimin Europian”,-tha Gonzato.

Projekti synon të forcojë kapacitetet institucionale të Kuvendit, të rrisë cilësinë e procesit legjislativ dhe mbikëqyrës, si dhe të përmirësojë transparencën dhe gjithëpërfshirjen e veprimtarisë parlamentare në funksion të procesit të anëtarësimit në BE./CNA





Lajmet e fundit nga