web counter
LEXO PA REKLAMA!

SHKARKO APP

App Store
Google Play

“Rrugëtimi në BE, objektiv i përbashkët”/ Ministri Hoxha takon raporterin për Shqipërinë në PE

11 Maj 2026, 17:45, Politikë CNA

“Rrugëtimi në BE, objektiv i përbashkët”/

Ministri për Evropën dhe Punët e Jashtme, Ferit Hoxha zhvilloi një takim me raporterin për Shqipërinë në Parlamentin Evropian, Andreas Schieder.

Siç bën me dije Hoxha përmes një postimi në platformën ‘X’, gjatë takimit u shkëmbyen mendime mbi ecurinë e procesit të negociatave me Shqipërisë me BE-në, si një objektiv i përbashkët për të avancuar më tej, përmes një procesi të bazuar në meritë.

“Gjatë qëndrimit tim në Bruksel, pata kënaqësinë të takohem me Andreas Schieder, raportues për Shqipërinë në Parlamentin Evropian.

E falënderova ngrohtësisht për punën e tij të shkëlqyer dhe angazhimin e vazhdueshëm në lidhje me Rezolutën e fundit për Shqipërinë, të miratuar nga Komisioni për Punët e Jashtme në Parlamentin Europian (AFET), e cila përcjell një mesazh të fortë dhe inkurajues në mbështetje të rrugës sonë drejt anëtarësimit evropian.

Shkëmbyem mendime mbi ecurinë e procesit të negociatave të Shqipërisë me BE-në, rëndësinë e ruajtjes së ritmit aktual të reformave, si dhe objektivin tonë të përbashkët për të avancuar të ardhmen evropiane të Shqipërisë përmes një procesi të besueshëm, të bazuar në meritë dhe të orientuar drejt së ardhmes.

Shqipëria e vlerëson shumë rolin e rëndësishëm dhe mbështetjen e vazhdueshme të europarlamentarëve dhe të gjithë miqve të zgjerimit, të cilët besojnë në një Evropë më të fortë, më të bashkuar dhe të orientuar drejt së ardhmes”,-shkruan Hoxha./CNA





Lajmet e fundit nga