web counter
LEXO PA REKLAMA!

SHKARKO APP

App Store
Google Play

E fundit!

x

Helmimi i studentëve/ PD: Të kryhet hetim i plotë, kontratat u frynë për interes të xhepave të ministrave

8 Maj 2026, 11:22, Politikë CNA

Helmimi i studentëve/ PD: Të kryhet hetim i plotë, kontratat u

Partia Demorkatike denoncoi sot rastin e helmimit të 56 studentëve të Akademisë së Sigurisë, që sipas dyshimeve të para ka ndodhur si pasojë e ushqimeve të konsumuara gjatë vaktit të drekës së të mërkurës.

Në një konferencë për gazetarët, zëdhënësja e PD-së për Antikorrupsionin, Genta Vangjeli, kërkoi që për rastin të kryhet hetim i plotë, pasi u rrezikua shëndeti i qyetarëve.

Po ashtu, PD hodhi akuza për paligjshmëri, duke u ndalur te tenderët dhe fryrja e kontratave të institucioneve me kompanitë private.

“Nga rasti i helmimit të studentëve të Akademisë së Sigurisë, u rrezikua shëndeti i tyre. Ndodhi në institucione publike. Shkaku i vërtetë nuk është ushqimi, por vetë shteti. Tenderët janë kthyer në mënyrë pasurimi personal. Kushtet bazë thuajse nuk ndryshojnë. Paguhen nga taksat e shqiptarëve. Shërbimi i gatimit dhe shpërndarjes së ushqimit u bë me tender me garë fiktive. Pyetja është e thjeshtë, ku shkuan milionat e shqiptarëve dhe kush përfitoi nga fryrja e kontratave për të përfituar para për xhepat e ministrave. PD kërkon hetim të plotë për caktimin e përgjegjësisë penale dhe administrative, për këdo që është pjesë e kësaj afere”,-tha Vangjeli./CNA





Lajmet e fundit nga