web counter
LEXO PA REKLAMA!

SHKARKO APP

App Store
Google Play

Interpelanca për Jet Bank/ Këlliçi: Ismaili ka marrë detyrën e vështirë të mbrojë bankën e Ramës

7 Maj 2026, 12:00, Politikë CNA

Interpelancë të cilën kryeministri ia delegoi ministres Erjona Ismaili. Në fjalën e mbajtur, Këlliçi tha se shqetësimin për licencimin e kësaj banke e ka ngritur që në janar të këtij viti.

Këlliçi deklaroi se në një kohë kur Shqipëria është nën monitorim non stop nga Moneyval, institucionet bankare të vendit duhet të tregojnë vigjilencë të shtuar.

Demokrati u shpreh se me një kërkim të thjeshtë mund të shihet se si autoritetet monitoruese në Europë kanë ngritur shqetësime për bankat digjitale. Shqetësime këto të cilat konsistojnë në sigurinë kibernetike apo pastrimin e parave.

Duke iu drejtuar ministres Ismaili, Këlliçi i tha se ka marrë detyrën e vështirë të mbrojë bankën e Edi Ramës.

 

“E kam ngritur si shqetësim që në janar të këtij viti, për licencimin e Jet Bank. Licencimi i një banke nuk duhet të shihet si një proces formal, pasi ka ndikim shumë të gjerë dhe në sistemin bankar. Institucionet tona duhet të tregojnë vigjilencë të shtuar, kur jemi nën monitorimin e MONEYVAL. Nuk flasim për një akuzë. Sot Shqipëria është bërë bazë e parave të pista dhe e 'Call Center'-ave, që mashtrojnë qytetarët.

Eriona Ismaili ka marrë detyrën e vështirë të mbrojë bankën e Edi Ramës. Nëse kushdo do të bënte një kërkim, do të konstatonte se autoritetet monitoruese në Europë kanë ngritur disa shqetësime për bankat digjitale. Këto shqetësime konsistojnë në pastrimin e parave apo sigurinë kibernetike.

Kam shtruar pyetjen, a ka dijeni kryeminsitri Edi Rama për lidhjet e dokumentuara nga autoritetet rregullatore europiane, të shtetasit Oliver Hemmer, aksioner me 71.52% i Jet Bank”, tha Këlliçi.





Lajmet e fundit nga