Raporti i PE-së/ Balla-opozitës: Kjo historia që thoni kërkuam diskutim dhe nuk u pranua, nuk shkon

7 Maj 2026, 10:46, Politikë CNA

Raporti i PE-së/ Balla-opozitës: Kjo historia që thoni

Kryetari i Grupit Parlamentar të Partisë Socialiste, Taulant Balla, i është përgjigjur opozitës lidhur për kërkesat e saj për debat mbi projektrezolutën e Parlamentit Europian për Shqipërinë.

Balla tha se diskutimi është përcaktuar të zhvillohet javën tjetër dhe nuk mund të kthehen në qesharakë për këtë çështje.

Socialisti shprehu mirënjohjen për 55 eurodeputetët e Komisionit të Politikës së Jashtme në Parlamentin Europian që votuan projektrezolutën, duke theksuar se dokumenti pasqyron progresin e Shqipërisë në procesin e integrimit europian.

Fjala e Ballës

Shumë faleminderit dhe mirënjohje të 55 eurodeputetëve anëtarë të Komisionit të Politikës së Jashtme në Parlamentin Europian për këtë projektrezolutë, e cila reflekton qartazi përparimin dhe progresin e Shqipërisë në rrugën e anëtarësimit në Bashkimin Europian, e cila dëshmon qartazi arritjet e Shqipërisë përgjatë këtij viti kur raportohet, se ju kam dëgjuar shpesh, por të paktën dokumenteve referojuni siç janë.

Kjo është një projektrezolutë e Parlamentit Europian mbi raportin e Komisionit Europian për vitin 2025. Tani që të mos bëhemi edhe qesharakë brenda këtij minutazhi, Parlamenti Europian këtë dokumentin do ta miratojë vetë në 16 ose 17 qershor, sepse e ka miratuar Komisioni dhe do ta miratojë seanca plenare, se prandaj quhet projekt.

Tani na kërkohet që ta bëjmë ne diskutimin përpara se ta miratojë Parlamenti Europian. Tani mos na bëni qesharakë, ne jemi shumë të gatshëm, kur ta doni ju, kur ta doni ju, por ne e kemi programuar javën tjetër me 14 maj, kemi diskutimin e raportit të Komisionit dhe raportin vjetor që përgatit Shqipëria, javën tjetër.

Tani kjo historia për me marrë këtë dyminutëshin këtu, për të bërë lajmin, me thënë që ne kërkuam një diskutim për raportin që është projektrezoluta e Komitetit të Politikës së Jashtme, kjo nuk shkon.

E para na bën qesharakë se ne do presim ta miratojë Parlamenti Europian dhe besoj, besoj që do jemi dhe një delegacion nga ne në seancën plenare të Parlamentit Europian në 16-17, siç ka qenë edhe një praktikë, dhe ndërkohë në 7-8 korrik, a 8-9 korrik, kemi dhe Komitetin Parlamentar të Stabilizimit e Asocimit, ku natyrshëm bashkë me kolegët e Parlamentit Europian do ta diskutojmë dhe këtë dokument.

Por, për shqiptarët, projektrezoluta e kaluar me 55 vota pro, 7 kundër, 7 abstenim të martën... po kur t'i shohësh, rëndësi ka që të ruajmë edhe seriozitetin institucional dhe serioziteti institucional është: e mirëpresim diskutimin sapo ky dokument të miratohet, sepse e kërkon edhe një lloj praktike institucionale mes institucioneve. Kështu që kryetar, javën tjetër e kemi debatin për raportin.