web counter
LEXO PA REKLAMA!

SHKARKO APP

App Store
Google Play

E fundit!

x

PD ceremoni për ditëlindjen e Skënderbeut/ Kalaja: Kruja sot është pa lavdi

6 Maj 2026, 10:21, Politikë CNA

Partia Demokratike ka zhvilluar ditën e sotme në Krujë një ceremoni përkujtimore në ditën e lindjes së Heroit Kombëtar, Gjergj Kastrioti.

I pranishëm në ceremoni ishte edhe kreu i PD-së për degën e Krujës, Aulon Kalaja. Në fjalën e mbajtur, teksa vlerësoi figurën e Skënderbeut, Kalaja tha se sot Kruja është pa lavdi. Kreu i PD-së, Krujë, u shpreh se qyteti që mori emrin nga krojet, sot nuk ka ujë.

Më tej në fjalën e tij, Kalaja u shpreh se në tetor të vitit 2021, qyeti u helmua pasi u bashkuan ujërat e zeza me ato të pijshme. Ngjarje të cilën e krahasoi me atë të ndodhur në vitin 1450, kur puset e kalasë u helmuan nga turqit.

 

“Sot përkujtojmë datëlindjen e figurës më unifikuese të Shqipërisë. Kruja sot është pa lavdi. Kruja që e mori emrin nga krojet sot nuk ka ujë. Në tetor të vitit 2021 qyteti u helmua për shkak se ujërat e zeza u ngatërruan me ujërat e bardha. Ngjarje kjo që kishte ndodhur në vitin 1450 kur osmanët helmuan puset e kalasë me minj të ngordhur dhe në dhjetor të vitit 2014 kur arrestuan kryefamiljarët e një pallati se kishin lidhur energjinë e paligjshme.

Ky qytet ka diçka të magjishme, megjithëse ia grabitën stadiumin, ai stadium u shpall nga FIFA 10 vite më parë si një qytet i jashtëzakonshëm për të luajtur futboll.

Kruja i dha Shqipërisë një kryeministër, një firmëtar të deklaratës së pavarësisë, Mustafa Merlika. Kruja i dha historisë dhe fesë. Turpi është dhe i ne pasardhësve të Kastriotit”, tha Kalaja.





Lajmet e fundit nga