web counter
LEXO PA REKLAMA!

SHKARKO APP

App Store
Google Play

“Iu hoqët subvencionin fermerëve”/ Berisha: Vodhët fondet, politikë e falimentimit të tyre

4 Maj 2026, 17:38, Politikë CNA

“Iu hoqët subvencionin fermerëve”/ Berisha: Vodhët

Kreu i Partisë Demokratike, Sali Berisha, gjatë një seance në Kuvend, ka akuzuar qeverinë për politikat ndaj fermerëve dhe sektorit bujqësor.

Berisha deklaroi se qeveria shqiptare është e vetmja në Europë që, sipas tij, ka hequr subvencionin e naftës për fermerët në një kohë kur çmimet e karburanteve janë të larta.

Ai e cilësoi këtë vendim si “të papërgjegjshëm” dhe “cinik”, duke pretenduar se po dëmton drejtpërdrejt bujqësinë.

Berisha shtoi se një nga arsyet e largimit të banorëve nga zonat rurale është kostoja e lartë e naftës.

Ai akuzoi gjithashtu qeverinë për keqpërdorim të fondeve të IPARD, duke thënë se fondet janë vjedhur dhe se fermerët janë lënë pa mbështetje.

Në fjalën e tij, Berisha përdori edhe tone të forta politike ndaj mazhorancës, duke deklaruar se për qeverinë fermerët nuk ekzistojnë.

“Si mund të flisni ju kur jeni e vetmja qeveri në Europë e cila në kulmin e çmimit të naftës dhe gazit ju hiqni fermerëve subvencionin për naftën. A ka cinizëm më të madh se ky. A ka akt më të papërgjegjshën. Është një politikë jo vetëm e falimentimit të fermerëve por një akt i shpopullimit të tyre. Një nga arsyet e largimit është nafta, se nuk ia dalin dot.  Ju vidhni kurse ata marrin rrugët e dheut.

Ju i hoqët subvencionin e naftës. Ju i vodhët fondet e IPARD. Ju jeni Ballukër. Jeni ballukizuar. Për ju fermërt nuk ekzistojnë”, tha Berisha./ CNA





Lajmet e fundit nga