web counter
LEXO PA REKLAMA!

SHKARKO APP

App Store
Google Play

Këlliçi: Tirana, lavatriçe e madhe e pastrimit të parave të krimit të organizuar

3 Maj 2026, 18:09, Politikë CNA

Këlliçi: Tirana, lavatriçe e madhe e pastrimit të parave

Deputeti i Partisë Demokratike, Belind Këlliçi hodhi akuza këtë të diel se ndaj kryeministrit Edi Rama, se nuk punon në interes të vendit, por është i lidhur me krimin e organizuar.

I ftuar në ‘Syri Tv’, Këlliçi u ndal gjerësisht edhe te situata në kryqytet, ku sipas tij po pastrohen paratë e grupeve kriminale.

Sipas deputetit, kjo problematikë është shqetësuese jo vetëm për qytetarët, por edhe për turistët që vizitojnë Tiranën.

“Vendi drejtohet nga një individ që në vend të jetë një politikan, një njeri i përgjegjshëm, një njeri që punon për interes të vendit, konsiderohet një kryetar organizate kriminale, një gangster dhe kjo, po e them dhe njëherë, e thënë në mënyrë të drejtpërdrejtë dhe jo e nxirë nga ne. Përkundrazi, ne mbanim shënim dhe në një farë mënyre i thonim që ore, kemi gjithë këtë kohë që ne diskutojmë për lidhjet e krimit të organizuar, për pastrimin e parave në Tiranë. Për indeksin e ndërtimit në Tiranë që është trefishi i Bashkimit Europian. Për faktin që sot Tirana si kryeqytet i një vendi në zemër të Europës, ka çmimet e katërta më të larta në Europë për metër katror. Po aq e shtrenjtë sa Milano. Dhe kjo është një çmenduri që na është thënë dhe ne nga pala përballë. Pra na është thënë që përpos asaj momentit të parë, përpos atij momenti të parë që mundet një turist të vijë këtu dhe të shohë disa kulla, arkitekturë moderne e tjerë e tjerë, nuk ka politikan europian dhe qytetar europian që nuk kupton që Tirana sot dhe nuk i ka dhënat, që Tirana sot është shndërruar në një lavatriçe të madhe të pastrimit të parave të krimit të organizuar, të grupeve kriminal”,-tha Këlliçi./CNA





Lajmet e fundit nga