web counter
LEXO PA REKLAMA!

SHKARKO APP

App Store
Google Play

Zgjedhjet për kryetarin e PD-së/ Baçi: Proces i gjatë i rinovimit partiak, do të vijojë edhe më tej

2 Maj 2026, 21:04, Politikë CNA

Zgjedhjet për kryetarin e PD-së/ Baçi: Proces i gjatë i

Deputeti i Partisë Demokratike, Luan Baçi tha sot se zgjedhjet për kreun e ri të PD-së shënojnë një proces të gjatë të rinovimit të kësaj force politike.

I ftuar në Euroneës Albania, Baçi u shpreh se bëhet fjalë për një hapje të partisë, që ka nisur që me garën për kryetarët e degëve dhe do të vijojë edhe në dimensione të tjra brenda partisë.

Baçi shtoi se e gjithë veprimtaria dhe aktiviteti i PD-së në këto zgjedhje do të jetë në transparencë të plotë.

“Ky është një moment i rëndësishëm i Partisë Demokratike, që ndodh një herë në katër vite. Unë mendoj se nuk ka parti politike në vendin tonë që të jetë kaq transparente në zgjedhjet e saj të brendshme dhe të ketë kaq publike të gjithë veprimtarinë dhe aktivitetin. Kështu që në këtë drejtim, meriton që të vlerësohet sjellja e PD-së, duke kaluar konkretisht te zgjedhjet. Edhe në zgjedhjet e vitit të kaluar, por edhe këtë herë, e ka hapur procesin zgjedhor, që me procesin për kreytarët e degëve dhe do të vazhdojë edhe më tej. Do të jetë një proces i gjatë i rinovimit të Partisë Demokratike. Edhe në mënyrë kritike, pasqyrohen në këto zgjedhje të gjitha problematikat e ekipit drejtues në zgjedhjet e 11 majit dhe atë se çfarë duhet të rregullojë PD-ja në vazhdimësi”,-tha Baçi./CNA

 

 

 

 





Lajmet e fundit nga