web counter
LEXO PA REKLAMA!

SHKARKO APP

App Store
Google Play

"Kjo është fytyra që nuk meriton turizmi"/ Zhupa denoncon ndotjen nga mbeturinat në Butrint

30 Prill 2026, 17:35, Politikë CNA

Deputetja e Partisë Demokratike, Ina Zhupa ka denoncuar gjendjen e plehrave në Parkun Kombëtar të Butrintit.

Me anë të një postimi në rrjetet sociale ku ka ndarë pamje nga parku i Butrintit, Zhupa shprehet se turistët që vizitojnë Butrintin përballen me një pamje mbeturinash.

Demokratja thotë se nuk është shpenzuar asgjë për të pastruar plehrat e hedhura në parkun e Butrintit.

Zhupa thotë se kjo pamje që shihet në hyrje të parkut të Butrintit nuk është fytyra që meriton turizmi shqiptar.

 

 

Denoncimi i Zhupës

 

Kjo është hyrja e parkut kombëtar të Butrintit, pasuri e mbrojtur UNESCO, zonë e mbrojtur. Një nga perlat e Shqipërisë të cilën duhet ta vizitojnë turistët nga e gjithë bota.

Shikojeni pamjen se çfarë bëhet me mbetjet!
Si është hyrja e këtij Parku!

Këtu në të njëjtin vend është edhe stacion autobusi ku zbresin turistët, dhe ku “mirëpriten” nga Saranda turistike, nga Ksamili turistik dhe Butrinti turistik.

Vetëm vjet janë deklaruar rreth 300 mijë vizitorë, që kanë ardhur në parkun kombëtar të Butrintit, duke llogaritur rreth 3 milionë euro që i shkojnë pikërisht AADF, fondacionit për menaxhimin e Butrintit. Pa llogaritur paratë e tjera të shumta që kanë qenë në arkat e Butrintit, por nuk del dot asnjë para për të pastruar hyrjen e parkut kombëtar të Butrintit.

Asnjë para për të pasur dinjitet tek turistët, asnjë para për të treguar një fytyrë ndryshe dhe një mirëseardhje për këdo. Kjo është fytyra që nuk meriton turizmi në Shqipëri.

 

 





Lajmet e fundit nga