web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e qeverisë/ Ratifikohet marrëveshja me Poloninë për sigurimet shoqërore

29 Prill 2026, 11:01, Politikë CNA

Ministri i Financave, Petrit Malaj, ka dhënë një deklaratë për mediat pas mbledhjes së qeverisë. Malaj njoftoi se në mbledhjen e sotme të qeverisë është ratifikuar marrëveshja mes Shqipërisë dhe Polonisë për sigurimet shoqërore.

“Në mbledhjen e sotme të qeverisë është ratifikuar marrëveshja mes Shqipërisë dhe Polonisë për sigurimet shoqërore. Kjo është marrëveshja e 21-të nga nismat e qeverisë me vendet ku jetojnë shqiptarë të diasporës. Po ashtu është marrëveshja e 10-të me vendet e BE-së. Qeveria mbetet e angazhuar që të vijojë me ratifikimin e marrëveshjeve të nevojshme në gjithë ato vende ku ka shqiptarë”, tha Malaj. 

I pyetur për marrëveshjen me Greqinë, ministri tha se negociatat janë shumë intensive për shkak të numrit të lartë të shqiptarëve që jetojnë atje.

“Sa u përket bisedimeve me Greqinë janë negociata shumë intensive nga pala shqiptare, kjo sepse numri i shqiptarëve është i lartë. Ka një intensitivet të lartë të negociatave dhe kushteve që po bisedohen”, u shpreh Malaj.

Ministri u pyet edhe për faljen e detyrimeve tatimore dhe doganore, ku tha se po finalizohen aktet nënligjore, ndërsa shtoi se do të përfitojnë të gjithë tatimpaguesit që plotësojnë kriteret e ligjit.

“Sa u përket akteve nënligjore, janë drejt fazës finale. Ka qenë një periudhë ku kemi diskutuar me ndërkombëtarët për aktet nënligore ashtu siç kemi bërë për ligjet. Besoj se brenda muajit maj do të kemi mbyllur proceset respektive. Për pjesën e fshirjes së detyrimeve tatimore dhe doganore patjetër do të jenë në linjë me ato që janë parashikuar në ligj. Aktet nënligjore dhe udhëzimet janë më tepër pjesë e sqarimit të procedurës dhe patjetër do të përfitojnë të gjithë tatimpaguesit që plotësojnë kriteret e ligjit të faljes së detyrimeve”, tha ai. /CNA





Lajmet e fundit nga