web counter
LEXO PA REKLAMA!

SHKARKO APP

App Store
Google Play

Përplasjet Rama-Spiropali/ Beçi: Nëse nuk është teatër, serioze pasi mund të krijojë fraksion

27 Prill 2026, 21:16, Politikë CNA

Përplasjet Rama-Spiropali/ Beçi: Nëse nuk është

Ish-prokurori Eugen Beçi komentoi sot debatet e radhës mes kryeministrit Edi Rama dhe deputetes Elisa Spiropali në mbledhjen e Grupit Parlamentar të Partisë Socialiste.

I ftuar në emisionin ‘Now’, Beçi theksoi se nëse nuk bëhet fjalë për një shfaqje mes socialistëve, ka të ngjarë me shtimin e elementëve të tillë të krijohet një fraksion politik, që sipas tij, është serioze por jo e rrezikshme për mazhorancën.

Sipas Beçit, diskutimet politike ndodhen sot në një situatë kur ka një relativizim të gjerë të shumë institucioneve të vendit, nga Kuvendi e deri te gjykatat e prokuroritë.

“Të thuash që mund të të përjashtoj, por nuk të përjashtoj. Jemi në një situatë të relativizimit të pamasë të çdo institucioni në Republikën e Shqipërisë, normalisht që edhe Grupin Parlamentar nuk mund ta përjashtojnë nga relativizimi. Kuvendi i Shqipërisë është bërë që ç’të të them! Relativizohet figura e Presidenit, gjykatat, prokuroritë e të tëra institucionet. Nuk mendoj se një person në grupin parlamentar do të krijojë një situatë të vështirë, e aq më tepër për një individ i cili mund të përjashtohet menjëherë. Në rast se nuk është teatër dhe në rast se ka edhe elementë të tjerë që mund të krijojnë fraksion, do të jetë serioze por jo e rrezikshme”,-tha Beçi./CNA





Lajmet e fundit nga