web counter
LEXO PA REKLAMA!

SHKARKO APP

App Store
Google Play

E fundit!

x

"Për minoritetin dhe emigrantët"/ Rama: Brenda vitit me Dokumentin e Partneritetit Strategjik me Greqinë

26 Prill 2026, 10:01, Politikë CNA

Kryeministri Edi Rama tha sot në podcastin e tij “Flasim” se deri në fund të këtij viti, qeveria shqiptare do të nënshkruajë Dokumentin e Partneritetit Strategjik me Greqinë.

Siç theksoi Rama, zhvillimi vjen pas takimit të kësaj jave me kryeministrin grek Kyriakos Mitsotakis në Athinë.

Rama shtoi se dokumenti synon të adresojë disa nga çështjet e rëndësishme mes dy vendeve, si minoriteti grek në Shqipëri dhe situata me shqiptarët që jetojnë në shtetin fqinj.

“Më vjen shumë mirë të them se nga ana e kryeministrit ka një vullnet absolut për të bërë pikërisht adresimin me prioritet të të gjitha çështjeve të bartura për të konfirmuar brenda këtij viti, përmes një dokumenti të ri të partneritetit strategjik, natyrën shumë speciale të marrëdhënies mes dy vendeve dhe nga ana tjetër për ta mbështetur Shqipërinë si gjithmonë, me përjashtim të ndonjë momenti të vështirë, në rrugën e anëtarësimit të saj në Bashkimin Europian.
Dhe, thënë të gjitha këto, jam shumë optimist dhe njëkohësisht jam shumë besimplotë se falë edhe angazhimit personal të kryeministrit, Mitsotakis ne do të dimë të adresojmë çështjet e mbartura dhe do të forcojmë edhe më shumë marrëdhënien tonë përmes një kujdesi të posaçëm, qoftë për minoritetin grek në Shqipëri, qoftë për shqiptarët në Greqi”,-u shpreh Rama./CNA





Lajmet e fundit nga