E fundit!

11:43 Aktualitet

Vrau me thikë fqinjin/ Gjykata e Durrësit cakton masën e sigurisë për 25-vjeçarin

Gjykata e Durrësit ka caktuar masën e sigurisë “arrest në ...

“PD e kishin vënë nën kontroll”/ Lulzim Basha kontrollohej me dosjet "Toyota Yaris" dhe të Nick Muzin

25 Prill 2026, 13:00, Politikë CNA

“PD e kishin vënë nën kontroll”/ Lulzim Basha

Kreu i PD-së, Sali Berisha, gjatë një bashkëbisedimi me ndjekësit, ka komentuar arsyen pse vendosi të hiqte dorë nga dorëheqja e parevokueshme dhe të rikthehej sërish në krye të PD-së.

Berisha theksoi se ish-kryetari i kësaj partie, Lulzim Basha, kontrollohej përmes dy dosjeve, "Toyota Yaris" dhe atë të Nick Muzin.

Lideri demokrat nënvizoi se për dosjen e dytë, me Nick Muzin, ai kishte angazhuar dhe McGonigal, ndërkohë që kontrollohej me para dhe favore që u bënte bizneseve të tij.

“Nëse unë vendosa të lë mënjanë dorëheqjen time pa revokim ishte se faktova se ish-kryetari i kësaj partie kontrollohej totalisht nga Edi Rama, me dy mënyra.

Kontrollohej me dy dosje. Me dosjen 'Toyota Yaris' dhe dosjen e Biniatës dhe Nick Muzin. Për dosjen e dytë, me Nick Muzin, ai kishte angazhuar dhe McGonigal, ndërkohë që kontrollohej me para. Kontrollohej me favore që u bënte bizneseve të tij. Në këto kushte unë vendosa të rikthehem. Kontrollohej edhe nga të tjerë pa diskutim. Nuk mund të pranoja kurrë që një parti sovrane, kombëtare, të ishte 'fake' opozitë. Nuk mund të pranoja kurrë që kjo parti të ishte një kukull dhe një fasadë e Edi Ramës.

Në prill të 2021, më erdhi në zyrë këshilltari kryesor i PD-së për zgjedhjet, Asaf Sharif, me të cilin isha takuar shumë herë se vinte për këshilla dhe më thotë se nëse PD nuk fiton zgjedhjet çfarë mendon ti për një koalicion me PS-në.

I thashë absolutisht për mua kjo është e paranueshme dhe për vendin është shumë e dëmshme. I thashë nëse ndodh do t’i kundërvihem me gjithë forcën. Nuk jam rikthyer se u vendosën sanksionet, betejnë për sanksionet e kisha më komode, pa rikthim. U riktheva sepse pashë që PD-në e kishin vënë nën kontroll.

Ai zotëri nuk përfaqëson as 0.0002% të demokratëve. Ti vërtet ke parë sallat, por të garantoj që janë të mbushura nga biznese me urdhër të qeverisë nga drejtori i burgjeve dhe nga bandat e qyteteve, Elbasan, Durrës etj.

Çdo njeri është i mirëpritur në garë po kurrë nuk do mund ta marrin këtë parti misionarët e krimit dhe Ramës”, tha Berisha./ CNA