web counter
LEXO PA REKLAMA!

SHKARKO APP

E fundit!

x

Alizoti-mazhorancës: Gjeni ministër që të flasë ose vërini drynin dhe mbylleni Kuvendin

23 Prill 2026, 14:13, Politikë CNA

Alizoti-mazhorancës: Gjeni ministër që të flasë ose

Deputeti i Partisë Demokratike, Tomorr Alizoti, ndau sot kritika të ashpra lidhur me kabinetin ministror.

Në fjalën e tij në Kuvend, Alizoti tha se Kuvendit i duhen ministra që dinë të flasin dhe të njohin fushën, duke iu drejtuar kryesisht ministrit të Bujqësisë, Andis Salla, me të cilin opozita kërkoi interpelancë.

Sipas Alizotit, Parlamenti nuk ka kuptim pa pjesëmarrjen aktive të ministrave, siç ndodh edhe nëpër botë.

“Ç’kuptim ka Parlamenti, vini drynin dhe mbylleni. Janë shumë votues në vend që duan të dinë për bujqësinë, për këtë pjesë të rëndësishme të jetës së tyre. Ai nuk vjen. Gjeni një ministër që të flasë dhe të dijë çfarë është bujqësia. Se nuk qëndron as koncepti politik. Nuk ka Parlament në botë që të hedhë votimin që të mos pyetet ministri. Ka shumë të tjerë në rangun tuaj që duan të jenë ministra, jepuni mundësinë që të shpjegojnë. Ne votojmë që ata të mos flasin”,-tha Alizoti./CNA





Lajmet e fundit nga