web counter
LEXO PA REKLAMA!

SHKARKO APP

App Store
Google Play

E fundit!

x

Djegia e mbetjeve në landfillin e Bushatit/ Boçi: Bombë ekologjike, pasojë e korrupsionit

22 Prill 2026, 13:38, Politikë CNA

Djegia e mbetjeve në landfillin e Bushatit/ Boçi: Bombë

Nënkryetari i Partisë Demokratike, Luçiano Boçi, akuzoi sot se djegia e mbetjeve në landfillin e Bushatit ka shkaktuar një katastrofë mjedisore.

Përmes një prononcimi për mediat, Boçi deklaroi se kjo problematikë nuk është e rastësishme, por vjen si rrjedhojë e korrupsionit dhe keqmenaxhimit në bashkinë e zonës.

Sipas Boçit, ky landfill përbën rrezik serioz ekologjik për zonën e Shkodrës, Lezhës dhe Vaut të Dejës.

“Zjarret vazhdojnë, megjithëse koha ka qenë me shi, shiu nuk ka ndikuar pothuajse fare. Jemi para një katastrofe mjedisore me pasoja katastrofike edhe për shëndetin e njerëzve, edhe për mjedisin. Dhe e gjitha kjo nuk është rastësi, nuk është prej temperaturave të larta, nuk është rastësi zjarrvënie e ndodhur padijeni, është pasojë e korrupsionit, e keqmenaxhimit të Bashkisë së Vaut të Dejës. E them këtë sepse ka një strukturë e cila ka të gjithë përgjegjësinë për menaxhimin e kësaj, që nis me administratorin, që nis me Këshillin Mbikëqyrës, që nis edhe vazhdon edhe me pjesën e SH.A.-së që e ka për detyrë dhe që ka në krye kryetarin e Bashkisë së Vaut të Dejës, i cili përcakton të gjithë zinxhirin përgjegjës që merret me menaxhimin e landfillit të Bushatit. Sigurisht, ka lidhje me operatorët, por keqmenaxhimi që vjen nga këto struktura që varen nga Bashkia e Vaut të Dejës ka sjellë këtë situatë katastrofike dhe që në të vërtetë është një bombë ekologjike për zonën. Por, sikurse është bombë ekologjike, është një minierë ari, përfitimet e atyre që e kanë keqmenaxhuar dhe keqmenaxhojnë për qëllime përfitimi. E them këtë sepse, megjithëse kemi këtë situatë, këtë bombë ekologjike, sot banorët e Vaut të Dejës, banorët e Lezhës, banorët e Shkodrës, qarkut Shkodër edhe qarkut Lezhë, së bashku paguajnë tarifë pastrimi dy herë më të lartë”,-tha Boçi./CNA





Lajmet e fundit nga