web counter
LEXO PA REKLAMA!

SHKARKO APP

App Store
Google Play

Rama: Siguria ushqimore në Shqipëri, sfidë komplekse e procesit të anëtarësimit

21 Prill 2026, 13:24, Politikë CNA

Kryeministri Edi Rama tha sot se siguria ushqimore në vend është një nga sfidat më të vështira me të cilat haset Shqipëria në procesin e anëtarësimit në Bashkimit Europian.

Në fjalën e tij gjatë takimit me operatorë të biznesit ushqimor, Rama u shpreh se zbatimi i politikave në këtë fushë dhe inspektimi janë hapa që reflektohen te shëndeti i shqiptarëve.

Sipas kreut të qeverisë, kjo sfidë nuk duhet parë si zinxhir në këmbët e qytetarëve, por si një element që do t’i shërbejë vendit.

“Ky takim ka një rëndësi të posaçme, është pjesë e proceseve që vendi ynë po zhvillon, të negociatave dhe objektivit për t’u anëtarësuar në Bashkimin Europian brenda kësaj dekade. Kjo sepse lidhet me sfidën më të vështirë dhe më komplekse të të gjitha proceseve të anëtarësimit, ajo e sigurisë ushqimore. Duhet zbatimi i politikave dhe inspektimi, që përndryshe, në mungesë, na krijon probleme të mëdha që reflektohen në fund fare te shëndeti dhe mirëqenia. Prandaj, standardet europiane janë sfida që duhet fituar, nuk janë zinxhir në këmbët tona, por krahë që na ngjisin më lart”,-deklaroi Rama./CNA





Lajmet e fundit nga