web counter
LEXO PA REKLAMA!

SHKARKO APP

App Store
Google Play

E fundit!

x

E vërteta pse nuk kandidoi në Korçë kandidati i “Babales”

24 Prill 2026, 13:37, Politikë CNA

Në Korçë priten të zhvillohen zgjedhjet për kryesinë e degës së Partisë Demokratike. Procesi vijon për të shkuar më pas në zgjedhjen e kryetarit të degës.

Së fundi, në Korçë janë konfirmuar emrat zyrtarisht. Një nga emrat që nuk është përfshirë në listë për të garuar është Bravaldi Xhafka.

Ky i fundit, në një postim në rrjetet sociale, duke mos pranuar faktin që nuk e lanë të bëhej pjesë e garës në vend që të tregojë të vërtetën ka zgjedhur të ndezë një zjarr, një përplasje mes strukturave të PD-së, të cilën e quan problematikë fetare.

Sipas tij, nuk është lejuar të kandidojë se i përket fesë myslimane. Ky është një mashtrim publik.

Mund të duket djalë i ri, por ka një mentalitet të vjetër. Fatkeqësisht dhe turpërisht i përdorur nga udhëheqësi i tij Ervin Salianji, nga deputeti analfabet i Korçës, se fatkeqësisht Korça ka edhe të tillë.

E vërteta pse nuk kandidoi në Korçë kandidati i

Të thuash se nuk më lënë të kandidoj se i përkas besimit mysliman kur Korça tre në katër deputet i ka të besimit mysliman, kur Korça ka një bashkëjetesë të shkëlqyer fetare, kur shumica në piramidën drejtuese të PD i përket besimit mysliman, kur drejtuesit kryesorë të degës dhe shumica e anëtarësisë së Korçës i përkasin besimit mysliman dhe nuk e kanë shprehur kurrë këtë problematikë, tani se nuk të lënë të kandidosh të merr Salianji dhe të detyron të mbash qëndrime të pështira duke shpërndarë turpërisht “jashtëqitje”, “diarre” të ndyra që kërkojnë të nxisin një përçarje, një urrejtje, thjesht dhe vetëm për qëllime politike.

Bravaldi Xhafka mund të jetë një i ri 32-vjeçar që mund të ketë shanse në politikë, por nuk ia ka askush fajin Bravaldit. Të shpresojmë që është i keqpërdorur nga Salianji apo të tjerë.

Ai nuk është lënë të kandidojë për shkak se PD ka marrë një vendim që organizatorë dhe bashkëpunëtorë me kundërshtarin politik apo që kanë organizuar takime e tubime dhe kanë mbushur salla me mbështetës socialistë apo individë të ndryshëm në shërbim të përçarësit Ervin Salianji që konsiderohet i paguar nga Rama politikisht, nuk mund të jenë pjesë e garës krah PD-së.

Kjo, pasi ata e kanë zgjedhur rrugën e tyre, kanë vendosur të shkojnë në një angazhim tjetër politik.

Bravaldi Xhafka nuk është hequr nga lista e kandidimit sepse i përket besimit mysliman. Ky është një mashtrim.

Por është larguar sepse ka dalë kundër qëllimeve zyrtare të PD-së dhe ka organizuar tubimin kundër PD-së në Korçë me Salianjin, i cili në takimet e tij në 100 llafe, 99 i ka kundër PD-së dhe nuk ka lidhje me opozitën.

Salianji është i gatshëm të përdorë çdo lloj intrige dhe ndyrësie deri te nxitja e përçarjes fetare brenda PD-së, thjesht dhe vetëm që të konsiderohet dhe të marrë një karrige.

Bravaldi Xhafka mund të jetë mbështetës i Salianjit, i Berishës, i Bashës, i Edi Ramës, i Ilir Metës apo kujtdo tjetër, por në politikë ka disa rregulla dhe qasja e bërë së fundi tregon një mentalitet të servirur nga intrigat e Salianjit, analfabetizmi apo çfarë fshihet pas disa kthetrave të ndyra që në emër të besimit fetar kërkojnë të kapin opozitën./ CNA





Lajmet e fundit nga