Kriminale/ Salianji ndez ndarjen fetare në Korçë

24 Prill 2026, 10:34, Aktualitet REDAKSIONALE

Shqipëria, por edhe Korça në veçanti, shquhen për një thesar, një pasuri të madhe të kombit tonë, bashkëjetesën, respektin dhe dashurinë që qytetarët kanë ndaj besimeve fetare.

Një diamant që shkëlqen me bashkëjetesën, nderimin dhe përuljen me respekt ndaj fesë dhe asaj që beson gjithkush.

Turpërisht, politika, instrumente të saj, Babalet palaço, sharlatanë publikë që kërkojnë karrige dhe protagonizëm prej vitesh përpiqen që fenë ta përdorin për të marrë karrige, për të bërë karrierë duke shfrytëzuar xhami e kisha, për të përfituar gara politike se gjoja kanë vota, mbështetje dhe duhet të ngrihen lart për shkak të besimit fetar.

Në fakt, besimi fetar nuk i përket as partisë së Ramës, as partisë së Saliut as çdo partie që vjen vërdallë.

“Babalja” sërish në lëvizje kundër opozitës
3 Shkurt, 19:21

Partia politike s’ka asnjë lidhje me besimin.

Politika është përçarëse dhe armiqësore, ndërsa besimi fetar është i paqtë dhe krejtësisht i kundërt me politikën.

Turpërisht në Korçë po ndodh. Segmente, individë, maskarenj, sharlatanë, gjakprishur, ndyrësira politike kërkojnë të nxisin një ndarje fetare dhe qelbësirllëkun e tyre politik, ndyrësinë e përçarjes brenda partisë, kërkojnë ta kanalizojnë në një betejë fetare duke justifikuar se nuk lejohen të kandidojnë se janë të besimit mysliman.

Një nga organizatorët dhe mbështetësit e Salianjit në Korçë, prej ditësh dhe javësh, me të tjerë mbështetës nga pas, me analfabetë apo fëlliqësira që meritojnë çdo sharje, fyerje apo epitet të mundshëm, pasi janë vetëpërjashtuar dhe kanë marrë përgjegjësi politike për veprimet e tyre, tani pasojat duan t’i kanalizojnë si një luftë fetare.

Kujt duan t’i thonë këta mjeranë se dikush që ua ka ndalur të kandidojnë se janë myslimanë ku në PD-në e Qarkut Korçë nga 4 deputetë, tre janë të besimit mysliman.

Si mund të thuash që nuk më lejojnë të kandidoj kur kryetari i PD-së, sekretari i Përgjithshëm, një pjesë e madhe e kryesisë në qendër, janë në shumicë të besimit mysliman.

Ervin Salianji, si palaço politik në kërkim të protagonizmit
25 Janar, 11:19

Kurrë nuk është diskutuar një temë apo një tezë e tillë që kërkojnë ta bëjnë debat publik, të viktimizohen dhe të justifikojnë veten.

Këta zorraxhinj të mjerë që nuk kanë as fe, as din e as iman.

Si mundet në vitin 2026 t’i frysh një ndarjeje fetare, të kërkosh përçarje, të viktimizohesh dhe të sillesh më keq se sharlatani politik, Ervin Salianji, duke nxitur një përçarje, duke dashur të ndezësh një zjarr mbi bashkëjetesën fetare, mbi respektin e ndërsjellë dhe mbi vlerat që ajo përfaqëson.

Ervin Salianji nuk është i burgosur politik, por një mashtrues me vendim gjykate
11 Janar, 18:06

Këtë mund ta bëjnë vetëm disa horra, analfabetët që i mbështesin që ndoshta kanë marrë dhe detyra të rëndësishme politike.

Këtë mund ta bëjnë “Salianjët e vegjël” të paguar apo me lidhje me krimin, pjesë e ndyrësisë politike të udhëhequr nga “Babalja” që nuk kursen as fenë e as Zotin për karrigen.

Ndoshta kemi përdorur shumë terma që mund të duken fyes, por është shumë pak kur shikon se si ndyrësia nuk ka limit, se si politika kërkon të përçajë dhe të nxisë konflikt mes besimeve fetare apo se si disa delirantë, injorantë të pakorrigjueshëm, kërkojnë të kapin pushtet politik nëpërmjet viktimizimit fetar.

Këta nuk janë as më shumë e as më pak: jashtëqitjet e fundit të një diarreje që e zuri opozitën në korrik të vitit 2013 dhe ende nuk po ndalet./ CNA