web counter
LEXO PA REKLAMA!

SHKARKO APP

App Store
Google Play

“Tirana në prag kolapsi”/ Bushati: Masakra me kullat po transferohet në jug

23 Prill 2026, 22:23, Aktualitet CNA

“Tirana në prag kolapsi”/ Bushati: Masakra me kullat po

Analisti Andi Bushati ka deklaruar se Tirana është në prag kolapsi nga ndërtimet e kullave.

I ftuar në emisionin Të Paekspozuarit, Bushati tha se tashmë masakra po transferohet në Vlorë e në Himarë.

Ai shtoi se Ramës po i ra fluksi i ndërtimit i bie shtylla që e mban në këmbë.

"Njeriu bën pyetjen fillestare. Po të shohësh Lungomaren e Vlorës, kam thënë është nga gjërat e mira që ka bërë Rama gjatë qeverisjes. Rama e di që aty ka lënë gjurmë të mirë. Pse po detyrohet në Vlorë të ngrejë kulla? Pse po shkon edhe në Himarë? Nuk e akuzojmë dot se ai nuk ka shije estetike. Pse e bën kullën në Himarë? Për ti dhënë përgjigje kësaj, duhet shpjeguar si mbahet në këmbë sistemi.

Rama ka zgjedhur ta zhvillojë Shqipërinë pa industri prodhuese. E vetmja gjë që mban sistemin në këmbë, janë ndërtimi i kullave. Në Tiranë është prag kolapsi. Çmimet po bien, apartamente bosh sa të duash. Prandaj masakra që iu bë Tiranës, po tentohet të transferohet nga Vlora në Himarë e më poshtë për të mbajtur në këmbë të njëjtën ekonomi. Ramës po i ra fluksi i ndërtimit, i bie shtylla që e mban në këmbë. Ai del dhe thotë paratë e shqiptarëve janë te pastra, vijnë këta nga Dubai, ngaqë Dubai është në krizë.

Në këtë kuptim, Edi Rama duke shkatërruar me kulla nga riviera e Vlorës deri te e Himarës, ka kushtin e detyrueshëm për të mbajtur në këmbë regjimin e tij, për sa kohë SPAK ia lejon një gjë të tillë. Aty ku preket thelbi i regjimit, por SPAK-un e ke në gjumë", deklaroi Bushati./ CNA





Lajmet e fundit nga