web counter
LEXO PA REKLAMA!

SHKARKO APP

App Store
Google Play

E fundit!

x

Rama dëshmitar për gjyqin "Partizani"/ Malltezi: Ka firmosur për ndërrim destinacioni

23 Prill 2026, 22:02, Aktualitet CNA

Rama dëshmitar për gjyqin "Partizani"/ Malltezi: Ka firmosur

Jamarbër Malltezi ka folur mbrëmjen e sotme për procesin gjyqësor të dosjes “Partizani”, ku ai është i pandehur bashkë me kreun e PD-së, Sali Berishën, ndërkohë GJKKO ka vendosur të thërrasë si dëshmitar kryeministrin Edi Rama.

I ftuar në Opion, Malltezi u shpreh se ka bërë kërkesë që seancat gjyqësore të ndiqen edhe nga kamerat por sipas tij kjo nuk është lejuar.

Ndër të tjera shtoi se thirrja e Ramës, ishte kërkuar nga ata për shkak se sipas Malltezit ai ka firmosur disa herë në procesin e ndërrimit të destinacionit të ish-kompleksit Partizanit.

“Fakti që gjykata apo prokuroria nuk kanë pranuar kamera në sallë më kanë cënuar mua të drejtat, sepse krijojnë terr informativ. Sa për pasuritë e sekuestruara nuk janë të familjes, sepse pasuritë që vijnë nga trashëgimia janë vetjake. Ramën si dëshmitar e kemi kërkuar dhe më herët, sepse ka firmosur disa herë në këtë proces për ndërrim destinacioni.

U tha se Berisha ka nxjerrë ligje apo VKM që favorizojnë ne, por nuk ka asnjë ligj sepse do të ishte dërguar në gjykatë. Edi Rama ka bërë 4 VKM nominative për vëllain e tij, ka bërë ligjin “Fusha”. Ne dyshojmë që prona është shpronësuar dhe pronarët kanë marrë para. Edi Rama ka firmosur ndërrim destinacioni të ish-klubit Partizani. Sapo Edi Rama bëri thirrje SPAK-ut të procedojë Berishën, nisën thirrjet nga prokuroria”, u shpreh Malltezi. /CNA





Lajmet e fundit nga