web counter
LEXO PA REKLAMA!

SHKARKO APP

App Store
Google Play

E fundit!

x

Ervin Salianji, si palaço politik në kërkim të protagonizmit

25 Janar 2026, 11:13, Politikë CNA

Ervin Salianji, si palaço politik në kërkim të

Ervin Salianji, i dënuari për kallëzim të rremë në çështjen “Babalja” dhe i njohur për përplasjet e vazhdueshme me strukturat drejtuese të PD-së, u shfaq ditën e djeshme në protestën e opozitës organizuar përpara Kryeministrisë, në një prani që për shumë demokratë u perceptua më tepër si “show” sesa si një angazhim i sinqertë politik.

Njeriu që dikur u doli me dru demokratëve dhe që sot cilësohet nga drejtuesit e PD-së si i vetëpërjashtuar, u paraqit në protestë me një grup të rinjsh, i cili numërohej me gishtat e dorës.

Prania e tij nuk solli as mobilizim, as entuziazëm, as mbështetje të dukshme nga baza demokrate, por u shoqërua me indiferencë dhe skepticizëm.

Ndërkohë që u përhapën aludime se Salianji kishte ardhur në protestë me një grup të rinjsh nga Korça, pamjet dhe faktet nga terreni nuk e mbështesin këtë pretendim.

Salianji u shfaq kryesisht në krah të Valbona Mhillit, një aktiviste e afërt me të, origjina e së cilës, siç dihet publikisht, nuk është nga Korça, por nga Puka. Kjo rrëzon narrativën e ndërtuar për një mbështetje territoriale që në realitet nuk u pa.

Ervin Salianji, si palaço politik në kërkim të

Ajo që bie më shumë në sy është fakti se Ervin Salianji nuk qëndroi në protestë deri në fund. CNA me pamje nga protesta tregoi se ai ishte ndër të parët që u largua, duke braktisur protestën para përfundimit të saj.

Ky veprim përforcoi bindjen se prania e tij ishte thjesht një “parakalim” politik, një dalje për kamera dhe jo një akt solidariteti me protestuesit apo një angazhim real ndaj kauzës opozitare.

Për shumë prej demokratëve të pranishëm, shfaqja e Salianjit u lexua si një provokim i hapur dhe një karshillëk ndaj lidershipit aktual të PD-së dhe eksponentë të tjerë të rëndësishëm të partisë, të cilët prej kohësh e konsiderojnë Salianjin jashtë strukturave dhe vendimmarrjes së Partisë Demokratike.

Në vend që të kontribuonte në unitetin e opozitës në një moment delikat politik, prania e tij e shkurtër shtuan perceptimin se Salianji po përdor protestat si skenë personale, për të mbajtur veten në qendër të vëmendjes mediatike.

Salianji nuk përcolli asnjë mesazh në këtë protestë por u shfaq vetëm si një “palaço”politik në kërkim të protagonizmit./ CNA





Lajmet e fundit nga