web counter
LEXO PA REKLAMA!

SHKARKO APP

Gazi lotsjellës i skaduar në protestë/ Zhupa: Rrezik serioz për shëndetin publik

24 Janar 2026, 21:24, Politikë CNA

Gazi lotsjellës i skaduar në protestë/ Zhupa: Rrezik serioz

Deputetja e Partisë Demokratike, Ina Zhupa, ka reaguar pas protestës së sotme të opozitës dhe përdorimit të gazit lotsjellës të skaduar.

Përmes një postimi në rrjetet sociale, Zhupa shkruan se ky akt është i papranueshëm, shkelje e hapur e ligjit dhe rrezik serioz për shëndetin publik.

“Dhuna policore ndaj protestuesve dhe përdorimi i gazit lotsjellës të skaduar, është e papranueshme, e shkelje e hapur e ligjit dhe rrezik serioz për shëndetin publik.

Gaz lotsjellës i skaduar që u hodh sot në protestë  të shkaktojë probleme të rënda me frymëmarrjen, djegie kimike, dëmtime të syve dhe pasoja afatgjata shëndetësore, sidomos për fëmijët, të moshuarit dhe personat me sëmundje kronike. Këto nuk janë “efekte anësore”, por pasoja të rënda të një veprimi të ndaluar nga ligji.

Ligji kërkon proporcionalitet, siguri dhe respekt për jetën dhe dinjitetin e qytetarëve.

Asnjë uniformë i narkopolicisë, narkogardës nuk e justifikon abuzimin me detyrën, asnjë urdhër i narkoqeverisë nuk e justifikon rrezikimin e shëndetit të njerëzve.

Protesta është e drejtë qytetare.

Dhuna policore dhe kimikatet e skaduara janë abuzim me pushtetin dhe rrezik për jetën e qytetarëve”,-shkruan Zhupa./CNA

 





Lajmet e fundit nga