web counter
LEXO PA REKLAMA!

SHKARKO APP

App Store
Google Play

“Protesta e opozitës lebetiti regjimin”/ Berisha: Rama ishte futur në tunelet e Surrelit

24 Janar 2026, 20:14, Politikë CNA

“Protesta e opozitës lebetiti regjimin”/ Berisha: Rama ishte

Kreu i Partisë Demokratike, Sali Berisha tha sot se protesta e opozitës lebetiti regjimin më të urryer të Shqipërisë dhe shqiptarëve, te drejtuar nga Edi Rama.

Në një deklaratë për gazetarët në selinë blu, Berisha u shpreh se Rama synonte përshkallëzimin e protestës përmes përplasjeve, duke garantuar demokratët dhe qytetarët se beteja do të vazhdojë.

“Sot, në protestën më të fuqishme lebetiten regjimin e urryer të Shqipërisë dhe shqiptarëve, narkodiktatorin, që është kryekriminel, kreu i organiztës kriminale.

Në protestë dhamë mesazhin më të fuqishëm ndaj Edi Ramës, vrimën e miut nuk do ta gjesh më. Nëse je burrë, i thashë dje, qëndro në zyrë, por ishte futur në tunelet e Surrelit.

Qëndrimi guximtar i protestuesve, ndaj të cilëve narkopolicia përdori mjetet e dhunës, sulmoi në mënyrë të çmendur protestuesit me gaz helmues, topa uji dhe mjete të tjera. 

Rama kërkonte përleshjen e demonstruesve me policinë.

E garantoj që do të përleshen me Edi Ramën dhe i them këtu që mos vërë policinë kundër protestuesve  dhe mos u bëni shërbëtorë të një njeriu që nuk ka moral dhe çdo tullë të shtëpisë së tij e ka të vjedhur. Është armik i egër i çdo shqiptari. Të betohemi se me këtë betejë, kilometri i ynë i fundit do të jetë fundi i Edi Ramës",-tha Berisha./CNA

 





Lajmet e fundit nga