web counter
LEXO PA REKLAMA!

SHKARKO APP

App Store
Google Play

Protesta e 24 janarit/ Këlliçi, mesazh partive opozitare

23 Janar 2026, 18:55, Politikë CNA

Protesta e 24 janarit/ Këlliçi, mesazh partive opozitare

Deputeti i PD-së Belind Këlliçi ka përcjellë një mesazh për partitë opozitare. Në një intervistë për CNA, i pyetur nëse partitë e tjera opozitare do të jenë pjesë e protestës së nesërme, Këlliçi u shpreh se kushdo që mendon dhe beson se aferat duhen ndalur, se abuzimi me paratë e shqiptarëve duhet të marrë fund, se lidhjet e pushtetit me krimin duhen shkëputur është i ftuar.

“Çdokush që mendon dhe beson se aferat duhen ndalur, se abuzimi me paratë e shqiptarëve duhet të marrë fund, se lidhjet e pushtetit me krimin duhen shkëputur, është i ftuar. Më së pari, gjithkush është i ftuar nga ndërgjegjia e tij. Çdo shqiptar ka vendin e tij nesër në shesh. Vendin që i takon, për ta ushtruar sovranitetin e tij. Padyshim, edhe forcat politike që jetojnë me qytetarët dhe për interesin publik”, tha Këlliçi.

Deputeti i PD-së, Këlliçi u bëri thirrje qytetarëve të dalin për të drejtat e tyre për të ndalur qeverisjen e keqe dhe për të mos lejuar më poshtërimin që i bën vendit kryeministri Edi Rama.

“Thirrja ime është që të dalim për të drejtat tona, për të ndalur qeverisjen e keqe. E sidomos për të mos lejuar më poshtërimin që i bën këtij vendi e qytetarëve Edi Rama duke shpallur se korrupsioni dhe lidhjet me krimin qenkan gjëra normale që shqiptarët duhet t'i pranojnë. Shqiptarët nuk janë këta. Nuk janë të korruptuar dhe të lidhur me krimin, siç po kërkon Edi Rama ta kthejë në normë”, u shpreh deputeti.

Këlliçi tha se, shqiptarët e duan dhe e çmojnë integritetin, ndershmërinë, virtytin, dhe dinë ta dallojnë të mirën nga e keqja, të drejtën nga e padrejta dhe këtë do ja dëshmojnë nesër Ramës.

“Shqiptarët e duan dhe e çmojnë integritetin, ndershmërinë, virtytin, dhe dinë ta dallojnë të mirën nga e keqja, të drejtën nga e padrejta.Dhe këtë do ja dëshmojnë fuqishëm nesër Edi Ramës. Jam i bindur”, deklaroi Këlliçi./ CNA





Lajmet e fundit nga