web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria në Bordin e Paqes/ Berisha tregon arsyet: Ja pse votuam pro miratimit të marrëveshjes

22 Janar 2026, 21:13, Politikë CNA

Shqipëria në Bordin e Paqes/ Berisha tregon arsyet: Ja pse votuam pro

Kryetari i Partisë Demokratike, Sali Berisha ka treguar arsyet se përse deputetët e PD-së votuan sot në Kuvend pro marrëveshjes për anëtarësimin e Shqipërisë në Bordin e Paqes.

I ftuar në emisionin “Opinion”, Berisha tha se marrëveshjen e votuan jo nen për nen por në parim. Ndër të tjera ai theksoi se kur bëhet fjalë për çështje sigurie, vota e opozitës do të jetë e njëjtë si ajo e Shteteve të Bashkuara të Amerikës.

“Gjatë gjithë kohës në pushtet porosi e prerë e përfaqësueve të Shqipërisë në të gjitha insttitucionet ndërkombëtare ishte të votojnë për çështjet e sigurisë siç voton SHBA. Një arsye tjetër madhore është se ne u detyrohemi atyre pavarësinë e Kosovës. Ngjitur me këtë për shkaqe të caktuara ne përsëri kemi probleme me Beogradin që nuk heq dorë nga Serbia e Madhe. Në këto rrethana unë kam qenë dhe jam të votohet për çështjet e sigurisë siç voton SHBA.

Bordi ka në bazë dokumente të Kombeve të Bashkuara. Edhe po të mos ishte OKB unë do ta votoja.  Ne nuk e votuam dokumentin nen për nen, e votuam në parim. I thamë Edi Ramës që ti nxin dhe turpëron vendin. Ne ja bëmë të qartë botës së çfarë përfaqëson Edi Rama. Vetëm ky dhe Lukashenko e personalizuan ftesën. Trump e ndërpreu luftën në Gaza. Administrata tjetër kishte fjalë, vizita dhe asgjë. Ky arriti ta ndërpresë atë luftë dhe dha kontribut të jashtëzakonshëm për paqen. Arriti të pajtojë Izraelin me Katarin”, tha Berisha. /CNA





Lajmet e fundit nga