web counter
LEXO PA REKLAMA!

SHKARKO APP

App Store
Google Play

E fundit!

x

"21 janari"/ Balla-Berishës: Nuk do të tërhiqemi derisa të zbardhim përgjegjësinë tënde për vrasjen e 4 protestuesve

22 Janar 2026, 15:52, Politikë CNA

"21 janari"/ Balla-Berishës: Nuk do të tërhiqemi derisa

Kreu i Grupit Parlamentar të Partisë Socialiste, Taulant Balla, u është përgjigjur deklaratave të kryedemokratit Sali Berisha në Kuvend. Balla tha se Berisha ka gënjyer lidhur me një projekt të Berlusconi-t në ishullin e Sazanit.

Balla foli edhe për 21 janarin, ku tha se Partia Socialiste nuk do të tërhiqet derisa të zbardhë përgjegjësin e Berishës për vrasjen e 4 protestuesve. Ai e cilësoi "21 janarin" si një nga ngjarjet më të rënda që kanë ndodhur në vend. 

"U çua këtu mjeshtri i gënjeshtrës dhe përmendi ish-kryeministrin e ndjerë Fatos Nano, gjoja për një bisedë, plan apo projekt me Berlusconi-n për ishullin e Sazanit. Nuk ka pasur asnjë bisedë nga kryeministri Fatos Nano për Sazanin. Siç e ka zakon të gënjejë për çdo gjë, ndoshta për të gjetur alibi për vete, ia faturoi këtë paraardhësit të vet. Nuk e di ç'biseda ke bërë ti me atë për Sazanin, por me përgjegjësi të plotë, për shkak të nderit të madh që kam pasur të punoj pranë Fatos Nanos, nuk ka pasur kurrë një bisedë të tillë.

Sa u përket kërcënimeve të tua se do të bësh hatanë më datë 24, do ta kisha dhënë një përgjigje, por kam shumë respekt për Kodin e Etikës së Kuvendit. Një gjë nuk të kemi marrë në konsideratë, edhe  kur na ke kërcënuar publikisht, se në atë dritare është një snajper që do të marrë në ballë këdo që do t'i afrohet kryeministrisë. E ke thënë ti këtë apo jo? Ti ke dalë e pastaj më rezulton që më falni për shprehjen 'ti je zbythur kur ke shkuar atje të deponosh, të paktën siç raportojnë mediat, se ke thënë që nuk ke dhënë urdhër për të qëlluar mbi popullin më 21 janar, por nuk di ç'ka bërë Luli. Unë nuk di ç’ka thënë Luli. Por një gjë duhet ta dish, Sali Berisha këtë forcë politike dhe ne që jemi këtu: ne pa e zbardhur përgjegjësinë tënde sa u përket urdhrave për vrasjen e 4 shqiptarëve në 21 janar, kjo forcë politike nuk ka për t'u tërhequr kurrë.

Ngulite mirë në mendje. Nuk ka të bëjë vetëm me katër dëshmorë apo me shumë të plagosur, por me një nga ngjarjet më të rënda nëse doni në historinë e këtij vendi, e cila erdhi në fakt si një ripërsëritje  e një përpjekje tjetër për të qëlluar mbi popullin. Në vitin 1997 dhe urdhër që avionët të qëllonin mbi popullin e jugut, dhe më pas në vitin 2011, dhe urdhër të qëlluar mbi popullin opozitar në shesh.

Kaq për këtë pjesë, sepse thonë që kur e ke bosh, e ke edhe bosh brenda. Sa i përket marrëveshjes, nuk ka më nevojë për diskutime. Besoj e morët përgjigjen nga ana e kryeministrit për shqetësimin tuaj se pse kryeministri nuk është sot në Davos për ta firmosur marrëveshjen. Kryeministri do të jetë në Shtëpinë e Bardhë, si mik i Presidentit Donald Trump, për të firmosur autorizimin që sot do ta japë Parlamenti. Prandaj, sipas porosisë dhe sipas vlerës e rëndësisë kokën poshtë, dorën lart dhe votoni marrëveshjen”, tha Balla. /CNA





Lajmet e fundit nga