web counter
LEXO PA REKLAMA!

SHKARKO APP

App Store
Google Play

E fundit!

x

“Mos krahasoni të pakrahasueshmen”, Berisha: Unë e ofrova ishullin e Sazanit për investime, jo për influencë politike

22 Janar 2026, 15:46, Politikë CNA

“Mos krahasoni të pakrahasueshmen”, Berisha: Unë e ofrova

Kryetari i PD-së, Sali Berisha, gjatë fjalës së tij në Kuvend, tha se e kishte ofruar ishullin e Sazanit kur ishte kryeministër për një projekt të kryeministrit italian Silvio Berlusconi. Sipas tij, ky projekt ishte bllokuar për shkak të krizës financiare.

Ai theksoi se këtë e kishtë bërë për të tërhequr biznesin ndërkombëtar dhe jo për influenca politike. Më tej, foli edhe për protestën e 24 janarit, ku u shpreh se kryeministri Edi Rama duhet ta presë në zyrë popullin.

“Ai shpjegimi që u dhashë mediave, po unë nuk i mohoj veprimet e mia. Është e vërtetë, paraardhësi im, Fatos Nano, e kishte ofruar ishullin e Sazanit dhe unë vazhdova po të njëjtën gjë.

Dhe, në fakt, Silvio bëri një projekt të jashtëzakonshëm, të shkëlqyer, mirëpo erdhi kriza financiare e viteve 2008-2009 e bllokoi dhe unë nuk mund të mos them që ajo nuk ka ndodhur.

Ka ndodhur, por ka ndodhur absolutisht jo për influenca politike, por ka ndodhur për të tërhequr biznesin ndërkombëtar.

Por kjo nuk ka lidhje sepse e lehtëson Edi Ramën, lëreni se po bën gjithçka të shpëtojë, por në mënyrë absolute data 24, ju që jeni këtu shkoni e thoni, po je burrë qëndro në zyrë. I thoni rrini në zyrë dhe prite popullin që po vjen. Shkoni dhe ju me të”, tha Berisha. /CNA





Lajmet e fundit nga