web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i GJKKO-së për akuzat ndaj Lapajt/ Shehaj: Ka marrë para nga krimi, nuk bashkohemi politikisht

21 Janar 2026, 15:12, Politikë CNA

Vendimi i GJKKO-së për akuzat ndaj Lapajt/ Shehaj: Ka marrë para

Deputeti dhe kreu i Partisë Mundësia, Agron Shehaj, u shpreh sot lidhur me vendimin ndaj tij nga Gjykata e Posaçme për çështjen me Adriatik Lapajn.

Në një dalje televizive, Shehaj shpjegoi më në detaje rastin, duke theksuar ndër të tjera se me Lapajn nuk ndajnë të njëjtat qëndrime politike dhe etike, prandaj edhe përjashtoi mundësinë e një bashkimi.

“Unë vendosa të them të vërtetën dhe për këtë arsye Lapaj më akuzoi për shpifje. Sot gjykata ka vendosur se unë nuk kam shpifur, ka vendosur të më dënojë me gjobë për fyerje se Lapaj është ndier i fyer. Por ajo që është më e rëndësishmja është se shpifja është një akuzë që ka rënë dhe gjykata e ka hedhur poshtë. Të thuash të vërtetën ka një kosto. Jam më se i gatshëm të paguaj gjobën, por e rëndësishme është se kam bërë atë që ishte e mira për interesin publik që të dinin se me kë kishin të bënin. Të heshtja? Thjesht akuza për fyerje është qesharake, se u ndie i fyer ai. Po qytetarët që u gënjyen dhe e shiti veten si i papërlyer dhe shpëtimtar, por në fakt merrte para nga krimi i organizuar. Gjykata ka thënë se unë nuk kam shpifur. Kjo është arsyeja se pse kam vendosur të them të vërtetën. Problemi i Shqipërisë nuk është Adriatik Lapaj, por njerëzit që qëndrojnë pas këtij fenomeni. Prandaj e nisa si çështje. Për cilin bashkim të flasim? E kam thënë edhe para zgjedhjeve, edhe tani, nuk mund të bëhemi bashkë me këdo. Si të them një ditë ka marrë para nga krimi dhe nesër jemi bashkë”,-tha Shehaj./CNA

 





Lajmet e fundit nga