E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

“Alex Soros, fushatë kundër Trump-it”/ Këlliçi: Kukulla e tij ka halle madhore, nuk i përgjigjet dot

21 Janar 2026, 13:23, Politikë CNA

“Alex Soros, fushatë kundër Trump-it”/

Deputeti i PD-së, Belind Këlliçi, ka deklaruar se Alex Soros po nxit një fushatë kundër Presidentit të SHBA-së, Donald Trump, pas ndryshimeve të mëdha që po ndodhin në botë.

Sipas deputetit, Soros nuk po lëviz më fijet në prapaskenë dhe nuk merr më vendime, ndaj bën gjithçka mundet për të sulmuar kreun e Shtëpisë së Bardhë.

Këlliçi thekson se Rama nuk i përgjigjet dot “vëllait” të tij, Aleks Soros, pasi ka halle madhore, lakun e drejtësisë.

Deputeti nënvizon se Rama për hatër të Soros-it e quajti Trump-in turp të civilizimit botëror, ndërsa sot është gati të hidhet i pari në zjarr për të, e të japë dhe ishuj, nga iluzioni i dëshpëruar se kështu do t'i amnistohet korrupsioni dhe lidhja me krimin e kartelet e drogës.

“Kukulla e tij ka ca halle madhore, nuk i përgjigjet dot për momentin vëlla Aleksit!

Alex Soros po nxit së fundmi një fushatë kundër Presidentit Trump dhe po del në krah të kritikëve të tij, pas ndryshimeve të mëdha që po ndodhin në skenën botërore.

Soros e sheh mirë se nuk lëviz më fijet në prapaskenë e nuk merr më vendime, ndaj bën gjithçka mundet për të sulmuar kreun e Shtëpisë së Bardhë.

Kukulla e tij më e njohur dhe më e bindur në Europë, Edi Rama nuk i pergjigjet dot këtij apeli për momentin.

Ai ka halle të medha. Laku i drejtësisë që po i merr dhe Belën, i është afruar shumë dhe karriges së tij

Dhe ky që për hatër të Soros e quajti Trump turp të civilizimit botëror, sot është gati të hidhet i pari në zjarr për të, e të japë dhe ishuj, nga iluzioni i dëshpëruar se kështu do t'i amnistohet korrupsioni dhe lidhja me krimin e kartelet e drogës.

E kotë kjo shpresë, kur dihet se rekordet e tij janë në dosjen e punës së administratës Trump.

Megjithatë, për momentin ai po mer mungesë në korin e Soros.

Kukulla e tij në Shqipëri ka ca halle dhe po luan një rol tjetër.

Me siguri, me leje dhe i justifikuar nga vëllai Alex”, shkruan Këlliçi./ CNA