web counter
LEXO PA REKLAMA!

SHKARKO APP

App Store
Google Play

“I kemi qëndruar zotimit për drejtësi për 4 viktimat”/ Rama: Ngritëm SPAK-un dhe Gjykatën Speciale

21 Janar 2026, 10:25, Politikë CNA

“I kemi qëndruar zotimit për drejtësi për 4

Në ceremoninë e homazheve për “21 janarin”, kryeministri Edi Rama foli për hetimet lidhur me këtë ngjarje të ndodhur 15 vjet më parë ku humbën jetën 4 protestues.

Rama u shpreh se Partia Socialiste i ka qëndruar zotimit për të bërë drejtësi për jetët e humbura të 4 protestuesve. Ai shtoi ndër të tjera se këtë e ka treguar duke pavarësuar drejtësinë nga pushteti dhe duke ngritur SPAK-un e Gjykatën Speciale.

Në këtë mënyrë, sipas tij, u krijuan kushtet për fundin e pandëshkueshmërisë përmes drejtësisë dhe jo qeverisë. Nga ana tjetër shtoi se drejtësia e re nuk do të jetë e tillë derisa të mos jetë bërë gjyqi i kësaj çështjeje.

“Mbi këtë që do drejtësi për Aleksin, Zverin, Hekuranin dhe Dilaverin, di që kjo ulërimë për drejtësi s’do të shuhet asnjëherë. Nevoja për drejtësinë e munguar për këtë tragjedi të madhe do të triumfojë se s’bën. Dua të ndaj me ju të vërtetën time lidhur me përgjegjësinë tonë për jetët e sakrifikuara të 4 dëshmorëve tanë dhe me zotimin për të bërë drejtësi për 21 janarin. E kemi mbajtur me dinjitet atë përgjegjësi dhe nuk e kemi tradhtuar zotimin solemn përderisa, duke pavarësuar drejtësinë nga pushteti politik dhe duke ngritur SPAK e Gjykatën Speciale kemi krijuar kushtet për fundin e pandëshkueshmërisë përmes organeve të drejtësisë dhe jo përmes qeverisë. Kush kërkon nga ne pse nuk është bërë drejtësi për 21 janarin të shikojë te Stacioni i Trenit, jo te kjo godinë. Nga kjo godinë ka dalë bërthama e Reformës në Drejtësi, në godinën përballë është çelur ajo bërthamë dhe në parlament është bekuar. Deri kur drejtësia e re nuk do të ketë bërë gjyqin e 21 janarit do të jetë një drejtësi gjithnjë e më vjetër. Por asnjë drejtësi nuk do ta mohojë padrejtësinë e 21 janarit. 21 janari si çështje e hapur, është gropë e hapur në themelet e drejtësisë së re. Drejtësia për 21 janarin është themel moral për shtetin shqiptar të së drejtës”, tha Rama. /CNA





Lajmet e fundit nga