web counter
LEXO PA REKLAMA!

SHKARKO APP

App Store
Google Play

Seanca në GJK për pagat e gjyqtarëve/ Rama: Farsë e shëmtuar, respekt për SPAK që nuk iu bashkua babëzisë

20 Janar 2026, 16:27, Politikë CNA

Seanca në GJK për pagat e gjyqtarëve/ Rama: Farsë e

Kryeministri Edi Rama ka reaguar me anë të një postimi në platformën X për seancën në Gjykatën Kushtetuese në lidhje me rrogat e gjyqtarëve.

Rama e cilësoi seancën si farsën nmë të shëmtuar të imponuar nga gjyqtarët që duan t’i rrisin rrogat e tyre me gjyq.

Më tej, kryeministri shkruan seky është një skandal ligjor dhe kushtetuese dhe uron që gjykata Kushtetuese mos ta lejojë.

Në reagimin e tij kryeministri përmend dhe SPAK-un për të cilin thote se i shpreh respekt që nuk u bë pjesë e kësaj babëzie.

 

Reagimi i Ramës

 

Sot Gjykata Kushtetuese po zhvillon (fatkeqësisht pa transmetim direkt për shkaqe teknike) farsën më të shëmtuar të imagjinueshme, e cila i është imponuar nga dy shoqata gjyqtarësh, të cilët duan të rrisin rrogat e tyre  me gjyq, duke thyer piramidën shtetërore të pagave, ndërkohë që janë kategoria më e lartpaguar në Shqipëri, si rezultat i mbështetjes që kjo shumicë qeverisëse i dha për hir të Reformës në Drejtësi pushtetit gjyqësor!

 

Tani këta duan që në përjetësi t’u jepet e drejta ta rrisin vetë rrogën sa herë rriten pagat e tjera, pra Shqipëria të jetë përgjithmonë i vetmi vend në botë ku gjykatësit paguhen më shumë se sa çdokush tjetër duke marrë kompetencat kushtetuese të qeverisë e të parlamentit për politikën e pagave - ky është një skandal logjik, moral, ligjor dhe kushtetues, të cilin uroj që Gjykata Kushtetuese të mos e lejojë kurrësesi të kthehet në një turp kombëtar!

 

Respekte për SPAK-un që nuk iu bashkua kësaj marrëbabëzie në emër të pavarësisë së gjyqësorit

 





Lajmet e fundit nga