web counter
LEXO PA REKLAMA!

SHKARKO APP

App Store
Google Play

E fundit!

x

Ftesa për "bordin e paqes"/ Xhaferri: Një draft “copy paste” që u është dërguar shumë shteteve

19 Janar 2026, 21:36, Politikë CNA

Ftesa për "bordin e paqes"/ Xhaferri: Një draft “copy

Deputeti i Partisë Demokratike, Besart Xhaferri i ftuar në A2 CNN ka folur për ftesën e Ramës për të qenë pjesë e “bordit të paqes”.

Xhaferri tha se ftesa ishte një draft copy paste që u është dërguar shumë shteteve. Duke u ndalur te pagesa prej 1 miliard eurosh për Gazën, Xhaferri tha se kjo përkthehet në 300 milionë në vit.

Para këto që duhet të shkojnë në investime, tha Xhaferri.

 

“Mendimi i parë që pata kur lexova statusin e Edi Ramës, mendova se ishte një diçka shumë ekskluzive. Në momentin kur lexova ftesën, pashë që ishte një draft “copy paste” që i është dërguar shumë shteteve dhe patjetër që i dërgohet atij që është në krye të shtetit. Ajo që kam menduar është për ta pritur se çfarë do jetë ky format, kush janë shtetet që do e përbëjnë, kush janë shtetet që janë ftuar dhe patjetër më intereson shumë si deputet i Republikës së Shqipërisë të di dhe kostot financiare që duhet të paguajë vendi jonë, buxheti jonë për të qenë pjesë e këtij bordi. Unë mund të jem dhe kundra të qënit pjesë e këtij bordi nëse vjen me kosto të larta financiare për buxhetin e shtetit. Nëse është 1 miliard euro dhe do jenë 300 milionë euro në vit, ato 300 milionë euro duhet t'i shkojnë investimeve të infrastrukturës shqiptare që mos përmbytemi, mos kemi katastrofa natyrore që nuk ishte katastrofë natyrore”, tha Xhaferri./CNA





Lajmet e fundit nga