web counter
LEXO PA REKLAMA!

SHKARKO APP

App Store
Google Play

E fundit!

x

“Agjenda integruese, prioritet i Kuvendit”/ Mesazhi i Peleshit: Mbi të gjitha, interesi i vendit dhe qytetarëve

19 Janar 2026, 17:27, Politikë CNA

“Agjenda integruese, prioritet i Kuvendit”/ Mesazhi i Peleshit: Mbi

Kryetari i Kuvendit, Niko Peleshi ndau një mesazh me rastin e çeljes së sesionit të dytë të Legjislaturës së XI-të.

Në fjalën e tij në nisje të seancës plenare, Peleshi theksoi se mbi të gjitha duhen mbajtur parasysh interesat e vendit dhe qytetarëve shqiptarë.

Peleshi u ndal edhe te agjenda integruese e Shqipërisë në BE, që e cilësoi si kryefjalën e këtij sesioni parlamentar, pa ngurruar të shprehë ngarkesën e veprimtarisë parlamentare. 

“Uroj që ky vit të jetë një vit pune të mirë, me më shumë qetësi institucionale dhe me më shumë rezultate që ndihen në jetën e qytetarëve. Në këtë Kuvend na ka sjellë besimi i qytetarëve nga të gjitha anët e vendit. Ata presin që ne të mbajmë parasysh interesat e tyre dhe interesat e vendit, kur propozojmë apo miratojmë ligje.

Të rinjtë duan të binden se e nesërmja për ta është më e mirë këtu sesa çdo opsion tjetër.Të moshuarit duan të sigurohen se mundi i viteve të punës do të shpërblehet me ditë të bardha.

Qytetarët, në qytet apo në fshat, kërkojnë siguri dhe standarde gjithnjë e më të mira të shërbimeve publike dhe të infrastrukturës.

Agjenda integruese në Bashkimin Europian, që do të jetë kryefjala edhe në këtë sesion të ri, ka potencial të jashtëzakonshëm për të dhënë përgjigje ndaj sfidave të shoqërisë shqiptare dhe për t’u kthyer në një narrativë kombëtare entuziaste. Ky sesion nuk është thjesht vazhdim i një kalendari.

Është një provë e dytë , provë e pjekurisë sonë parlamentare, e standardeve që pret shoqëria prej nesh dhe e aftësisë për ta kthyer momentin europian të Shqipërisë në ligje të mira, institucione më të forta dhe një dialog politik më dinjitoz.

Gjatë sesionit të parë u përballëm me një ngarkesë të konsiderueshme pune dhe një agjendë të ngjeshur ligjvënëse e mbikëqyrëse.

Por, le ta pranojmë me sinqeritet, krahas volumit të punës, kemi pasur shpesh edhe një ngarkesë të tepruar politike, larg funksionit tonë dhe larg nevojave reale të qytetarëve”,-tha Peleshi./CNA

 





Lajmet e fundit nga