web counter
LEXO PA REKLAMA!

SHKARKO APP

E fundit!

x

Projektligj i ri për Policinë Bashkiake/ Çfarë parashikon për rolin dhe punën në terren

19 Janar 2026, 15:52, Politikë CNA

Projektligj i ri për Policinë Bashkiake/ Çfarë parashikon

Një projektligj i ri për Policinë Bashkiake synon të sjellë risi në rolin e këtyre strukturave.

Siç bën me dije Ministrja e Brendshmë, Albana Koçiu, përmes një postimi në rrjetet sociale, projektligji ka në qendër përmirësimin e shërbimeve dhe rritjen e sigurisë publike.

“Përmes këtij vizioni, forcojmë rolin e strukturave vendore duke i bërë ato më efikase, profesionale dhe me standarde të njëjta në çdo bashki, përmes një organizimi të Policisë Bashkiake në dy nivele: qendror dhe vendor”,-tha Koçiu.

Niveli qendror do të përcaktojë standardet kombëtare dhe do të koordinojë punën e drejtorive vendore, duke garantuar bashkëpunim të fortë ndërinstitucional, pa cenuar autoritetin vendor, por duke vepruar në rol mbështetës dhe koordinues.

Niveli vendor do të vijojë të ketë autoritet të plotë në terren, me kompetenca të shtuara, duke garantuar shërbime më cilësore dhe më efektive për qytetarët./CNA





Lajmet e fundit nga