E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Qesharake/ Opozita kundër opozitës

19 Janar 2026, 12:36, Politikë CNA

Opozita bëhet qesharake. Tashmë ka arritur në kufijtë e të paimagjinueshmes, kundërshton atë që vetë e kërkon me ngulm në institucionet e drejtësisë.

Sot në mbledhjen e Konferencës së Kryetarëve është diskutuar për komisionet hetimore, për disa ndryshime në ligj. Kjo temë ka krijuar debate, pikërisht nga pala, e cila ka bërë një ankimim në gjykatë për komisionet hetimore, nga opozita.

Ligji për Komisionet Hetimore/ "Kushtetuesja" pranon pjesërisht kërkesën e opozitës
9 Korrik, 19:10

Çfarë ndodh?

Partia Demokratike ka bërë një ankimim në Gjykatën Kushtetuese për ligjin për komisionet hetimore. Gjykata ka dalë me një vendim ku ka pranuar ankimin e opozitës për ligjin për komisionet hetimore.

Tani Parlamenti po kërkon të fusë në agjendë ndryshimet e ligjit, por opozita e kundërshton.

Nënkryetari Luçiano Boçi, në mbledhjen e Konferencës së Kryetarëve, e ka kundërshtuar futjen në agjendë të ndryshimit të ligjit për Komisionet Hetimore.

Me këtë akt opozita ka arritur në kufijtë e qesharakes dhe tregon se budallallëku nuk ka limit për këtë opozitë.

Bën një ankimin në Gjykatë për Komisionet Hetimore, gjykata del me një vendim dhe pranon kërkesën e saj, Parlamenti me kërkesë të saj do ta fusë në agjendë, opozita kundërshton.

Në vend që ta pranonte me shpejtësi skëterrë, pasi është kërkuar nga vetë ajo, një ankimim për të cilin gjykata i ka dhënë të drejtë, opozita e kundërshton.

Kjo sjellje jo vetëm që minon koherencën politike të opozitës, por e ekspozon atë si të paqartë në qëllime dhe të paaftë për të mbajtur përgjegjësi për veprimet e saj. Një opozitë serioze do të duhej të këmbëngulte për zbatimin e shpejtë të vendimit të Gjykatës Kushtetuese me kërkesë të saj, jo ta bllokonte atë.

Në këtë situatë, opozita nuk po përballet me shumicën, por me vetveten. Dhe ky është një nga sinjalet më shqetësuese për rolin që ajo synon të luajë në jetën parlamentare dhe demokratike të vendit./ CNA