web counter
LEXO PA REKLAMA!

SHKARKO APP

App Store
Google Play

E fundit!

x

"Bashës ia tërhiqte Rama fijet siç donte vetë"/ Berisha: Ditën e çonte në Prokurori, natën bënte pazare me të

17 Janar 2026, 18:50, Politikë CNA

"Bashës ia tërhiqte Rama fijet siç donte vetë"/

Foltorja e opozitës është ndalur ditën e sotme në Laprakë. Kryetari i Partisë Demokratike, Sali Berisha gjatë fjalës së tij tha se demokratët e kanë çuar kryeministrin Edi Rama “buzë greminës”.

Berisha tha se Rama drejtonte ish-kryetarin e PD-së, Lulzim Bashën si donte ai, duke bërë pazare në kurriz të demokratëve.  Më tej ai u shpreh se 7 rezoluta ndërkombëtare “damkosën” qeverinë e Ramës si Maduron e Venezuelës.

“Sot e vërteta është se jemi në agun e një fitoreje të sigurt, në shndërrimin e të pamundurës në të mundur. Edi Rama është buzë greminës dhe këtu e sollën demokratët. Sepse në momentet më kritike zgjodhët vlerat, parimet dhe idealet që besoni.

Opozitën në mënyrën më makabre e pati vendosur në kontroll të plotë.  Dy dosje i kishte hapur kryetarit dhe ja tërhiqte fijet si donte. Ditën e çonte në Prokurori, natën bënte pazare me të në kurriz të demokratëve. Ne që nxorrëm Shqipërinë nga izolimi u përpoqën të na izolonin.

Janë 7 rezoluta që damkosin regjimin e Edi Ramës njëlloj si regjimin e Maduros. Janë 7 rezoluta nga partitë e djathta të botës, të cilat damkosin Shqipërinë si narkoshtet dhe autocrat. Si njeri që ka shndërruar zgjedhjet në farsë elektorale.  Jo vetëm që dolëm nga izolimi ,por arritëm të damkosim regjimin”, tha Berisha. /CNA





Lajmet e fundit nga