web counter
LEXO PA REKLAMA!

SHKARKO APP

App Store
Google Play

Mediu: Qëllimi i vetëm i Ramës është të bëjë edhe opozitën, duhet qëndrim i përbashkët

16 Janar 2026, 22:44, Politikë CNA

Mediu: Qëllimi i vetëm i Ramës është të

Kryetari i Partisë Republikane, Fatmir Mediu deklaroi sot se kryeministri Edi rama po përpiqet të marrë vetë të gjitha rolet e mundshme, duke mënjanuar opozitën.

I ftuar në A2CNN, Mediu u shpreh se nevojitet një koncept opozitar i përbashkët, për të mirën e partive opozitare, por edhe shqiptarëve.

“Opozita reformën zgjedhore duhet ta fillojë me një koncept opozitar të përbashkët. Pra duhet ndërtuar një qëndrim i përbashkët opozitar i të gjitha forcave politike opozitare, për sistemin zgjedhor dhe duhet bërë patjetër me një platformë konkrete, e cila do të përcaktojë kush janë piketat e analizës opozitare për këtë reformë zgjedhore. Brenda këtij koncepti, kur ne arrijmë në një qëllim të përbashkët, e kemi më të lehtë për të ndikuar, edhe për faktin sepse kemi edhe një negociatë për një zgjidhje të caktuar me faktorin ndërkombëtar. E njëjta gjë edhe për reformën territoriale. Marritë mund të shkojnë se s’ka nevojë për pushtet lokal, por vetëm për pushtet qëndror. Se sot në fakt nuk ka qeverisje lokale, por ka vetëm kryeministër që heq dhe shkarkon çdo lloj nëpunësi të administratës lokale. Dhe padyshim që ky është edhe qëllimi final i Ramës. Pa bashki opozita, vetëm një kryeministër, mos të ketë as ministra se i bën të gjitha vetë, mos të ketë as kryetar bashkie se i bën të gjitha vetë. Vetëm të ketë emisar të emëruar që s’kanë asnjë lidhje as me PS-në e as me historinë e pluralizmit në Shqipëri”,-tha Mediu./CNA





Lajmet e fundit nga