web counter
LEXO PA REKLAMA!

SHKARKO APP

App Store
Google Play

E fundit!

x

“Skandalet vazhdojnë prej 12 vitesh”/ Paloka: Rama ka bërë akrobaci për të fshehur realitetin

16 Janar 2026, 17:22, Politikë CNA

“Skandalet vazhdojnë prej 12 vitesh”/ Paloka: Rama ka

Deputeti demokrat, Edi Paloka u ndal sot gjerësisht te qeverisja socialiste e 12 viteve të fundit.

I ftuar në “Syri TV”, Paloka u shpreh se Shqipëria ka kaluar ndër vite nga një sërë skandalesh, që i kanë mësuar jo vetëm shqiptarët, por edhe ndërkombëtarët.

Paloka akuzoi kryeministrin Edi Rama se ka bërë akrobaci dhe përpjekje për të tjetërsuar realitetin e vendit.

“Skandalet e fundit, skandalet e radhës për fat të keq, që vazhdojnë prej më shumë se 12 vitesh në Shqipëri, janë skandale që zënë njëri-tjetrin dhe tashmë lidhjet mes krimit, qeverisë dhe Ramës janë evidente, jo vetëm për shqiptarët. Sot mendoj se është e qartë për këtë lidhje kriminale edhe ajo pjesë e Perëndimit që ka interesa direkte në Shqipëri.

Mjafton të kujtoj, për shembull, deklaratën që ka bërë sot përfaqësuesja e Shteteve të Bashkuara, e cila vetëm emrin nuk ia ka përmendur kryeministrit Rama. Ajo tha qartazi, në një takim pas një trajnimi që FBI ka zhvilluar me BKH-në dhe forca të tjera të drejtësisë dhe rendit në Shqipëri, se sipas porosisë së presidentit Trump, siguria e Shteteve të Bashkuara është e lidhur drejtpërdrejt me narkotrafikun, i cili është rreziku kryesor jo vetëm për vendet ku zhvillohet, por edhe për vetë Shtetet e Bashkuara. Madje shtoi edhe emigrimin masiv. Bravo, bravo.

Pra, thashë, tashmë pozicioni i Shteteve të Bashkuara ndaj kësaj qeverie është i qartë dhe po bëhet përditë e më i qartë, pavarësisht akrobacirave dhe përpjekjeve të vazhdueshme që ka bërë dhe vazhdon të bëjë Rama për të ndryshuar një realitet që duket se nuk ndryshon më.

Pra, edhe njëherë, çfarë dua të them? Sot nuk janë të qartë vetëm shqiptarët për lidhjet kriminale të kësaj qeverie, por edhe ajo pjesë e Perëndimit që është e interesuar drejtpërdrejt për Shqipërinë dhe për të ardhmen e këtij vendi. Dhe sigurisht, ndër këta, aleati ynë kryesor, Shtetet e Bashkuara, janë nga më të rëndësishmit.

Kemi edhe një luftë të hapur dhe të fshehtë të Ramës ndërkohë. Duke u kthyer edhe njëherë te ai takim që sapo përmenda, mos harrojmë kërcënimin e trashë të Ramës, kur thotë: “Po nuk më pranuat ju, unë i kam gati kinezët”. Kjo është pjesë e kësaj strategjie, por është një strategji në”,-u shpreh Paloka./CNA

 

 

 

 





Lajmet e fundit nga