web counter
LEXO PA REKLAMA!

SHKARKO APP

App Store
Google Play

Ish-zv.asistenti i Trump, Fleitz: Shqipëria shihet pozitivisht në SHBA, sanksionet duhen rishikuar periodikisht

15 Janar 2026, 22:30, Politikë CNA

Ish-zv.asistenti i Trump, Fleitz: Shqipëria shihet pozitivisht në

Ish-zëvendësasistenti i Presidentit amerikan Donald Trump, Fred Fleitz komentoi sot vendimin e SHBA-ve për të pezulluar vizat për 75 vende të botës, përfshirë edhe Shqipërinë.

Në A2 CNN, Fleitz tha se Shqipëria nuk shihet si pjesë e një liste rreziku, pasi është një vend mik dhe aleat i Shteteve të Bashkuara.

Sipas Fleitz, sanksionet janë një mjet për të penalizuar ata individë të përfshirë në aktivitete të drogës apo terrorizmit, duke i cilësuar si masa që duhen rishikuar në mënyrë periodike.

“Shqipëria është një vend aleat dhe mik i SHBA dhe këtë e kemi diskutuar edhe në kontekstin e sistemit të drejtësisë. Për këtë arsye, Shqipëria shihet pozitivisht edhe në Shtëpinë e Bardhë të Presidentit Trump. Kjo është relevante, pasi keni ambasadorin Grenell dhe keni edhe vetë vëmendjen e Presidentit, i cili është shumë i interesuar në promovimin e marrëdhënieve ekonomike me vendin. Mendoj dhe besoj se Shqipëria ndodhet në një situatë shumë të mirë me Presidentin Trump. Ky ka qenë dhe vazhdon të jetë një debat shumë i nxehtë. Mendoj se sanksionet janë një mjet i rëndësishëm për të penalizuar individët që janë përfshirë në aktivitete të drogës apo të terrorizmit. Mendoj gjithashtu se periodikisht duhet rishikuar sa efektive kanë qenë këto masa ndaj individëve në Ballkan që kanë kryer krime, veçanërisht krime kundër njerëzimit. Këto masa duhet të rishikohen në mënyrë periodike”,-u shpreh Fleitz./CNA

 

 





Lajmet e fundit nga