web counter
LEXO PA REKLAMA!

SHKARKO APP

App Store
Google Play

Mbledhja e Grupit të PD-së/ Berisha: Rama nuk shpalli gjendjen e jashtëzakonshme se nuk do të kompensojë qytetarët

15 Janar 2026, 14:04, Politikë CNA

Mbledhja e Grupit të PD-së/ Berisha: Rama nuk shpalli gjendjen e

Grupi Parlamentar i Partisë Demokratike po zhvillon ditën e sotme mbledhje në selinë blu. Kreu i PD-së, Sali Berisha, ka mbajtur fjalën e tij para deputetëve ku foli lidhur me përmbytjet.

Ai akuzoi qeverinë si përgjegjëse për fatkeqësitë natyrore. Ai tha se kryeministri Edi Rama nuk pranoi të shpallë emergjencën sepse nuk do të kompensojë qytetarët për dëmet e shkaktuara.

“Të gjitha fatkeqësitë kanë në themel vjedhjet e qeverisë. I përgëzoj deputetët në solidaritetin e tyre ndaj qytetarëve të përmbytur, do të jemi zëri i tyre dhe çdo shqiptari në nevojë. Cinizmi i Ramaduros nuk ka kufi. Pas 10 ditësh mblodhi Komitetin e Emergjencave Civile dhe nuk shpalli emergjencën. E bëri ketë detyrim ligjor për të kompensuar dëmet e krijuara nga indiferenca, vjedhja, korrupsioni i institucioneve të narkoqeverisë. Ne jemi angazhuar në një lloj inventari dhe zërin tonë do ta përdorim fuqishëm dhe se në çdo kohë kjo parti në pushtet do t’i dëmshpërblejë për çdo qindarkë që kanë humbur në këto përmbytje. Sepse ajo është emergjencë dhe shtetit i takon t'i dëmshpërblejë, ndërsa ky i akuzon se kanë hedhur plastikë në kanale. Kjo qeveri ka shprehur papërgjegjshmëri në qëndrimin ndaj qyetarëve”, tha Berisha./ CNA





Lajmet e fundit nga