web counter
LEXO PA REKLAMA!

SHKARKO APP

App Store
Google Play

Protestat kundër qeverisë/ Korreshi: Opozita po bën detyrën, trysnia më e madhe duhet të vijë nga qytetarët

13 Janar 2026, 15:58, Politikë CNA

Protestat kundër qeverisë/ Korreshi: Opozita po bën detyrën,

Deputeti demokrat, Saimir Korreshi u ndal sot te aksioni i ndërmarrë nga opozita për të zhvilluar një seri protestash si mënyrë për të rrëzuar qeverinë dhe kryeministrin Edi Rama.

Në një studio televizive, Korreshi u shpreh se ky është qëllimi kryesor i opozitarëve, bashkë me arritjen e një qeverie teknike dhe mbajtjen e zgjedhjeve të parakohshme.

Korreshi shtoi se opozita po bën detyrën e vet duke thirrur njerëzit t’iu bashkohen protestave, teksa theksoi se presioni më i madh duhet të vijë nga qytetarët.

“Unë mendoj se vetëm një gjë ka mbetur për të synuar. Qëllimet kryesore të opozitës me këto protesta janë dorëheqja e qeverisë, qeveria teknike dhe mbajtja e zgjedhjeve të parakohshme. Opozita bën detyrën e vet që t’i thërrasë njerëzit dhe t’i ftojë të bëhen pjesë. Por mendoj se presioni më i madh duhet të vijë nga qytetarët dhe jo opozita. Në dorë e kanë njerëzit ta rrëzojnë qeverinë, sa më i madh presioni qytetar dhe trysnia, aq më pak rri në qeveri kjo lloj hajdutërie. Nëse njerëzit nuk çohen për veten e vet, sepse është edhe ana ekonomike, kështu që të dalin për veten e vet dhe jo për emra të veçantë apo për ne”,-tha Korreshi./CNA





Lajmet e fundit nga