web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Të bëjmë gjithçka për një front të vërtetë opozitar, mision i shenjtë kundër Ramës

12 Janar 2026, 18:53, Politikë CNA

Berisha: Të bëjmë gjithçka për një front të

Kreu i Partisë Demokratike, Sali Berisha u shpreh sot se ka ardhur koha që qeveria dhe kryeministri Edi Rama të marrin ndëshikimin që meritojnë nga zemërimi i qytetarëve për atë që i ka bërë vendit.

Në fjalën e tij në protestën e radhës nga opozita, Berisha theksoi se do të bëhet gjithçka për një front të vërtetë opozitar, që të përmbysë diktaturën e Ramës, teksa u bëri thirrje të rinjve që të ngrihen për t’iu bashkuar këtij misioni.

“Të bëjmë gjithçka për një front të vërtetë opozitar, i cili të përmbysë diktaturën e autokratit, e kleptokratit, Edi Rama, narkodiktatorit të parë dhe të vetëm në Europë.

I bëj thirrje të rinjve të ngrihen në lartësinë e misionit të shenjtë, hyjnor. Gjenerata e tyre është gjenerata e misioneve të mëdha. Gjenerata e tyre po përbys diktatura dhe epoka.

Ndaj dhe ftoj çdo të ri të këtij vendi të ngrihet në lartësinë e idealeve të tij dhe me guximin, energjinë të bëjë çdo gjë për largimin e këtij regjimi armiqësor ndaj shqiptarëve. Çdo ditë mediat njoftojnë për skandale e superskandale. Çdo ditë njoftohen se vendimet në Shqipëri i marrin kartelet e drogës.

Se qeveria punon për pasurimin e saj, punon për pasurimin e karteleve, varfërinë dhe mjerimin e qytetarëve.

Ka ardhur koha që qeveria të përballet me zemërimin e qytetarëve. Ka ardhur koha që qeveria të ndëshkohet me zemërimin e qytetarëve.

Ndaj dhe u ftoj të bëjmë gjithçka për një kryengritje paqësore, për një revolucion të ri, i cili do të fshijë nga harta e Shqipërisë narkodiktaturën e Enver Hoxhës, do shndërrojë në vendin e bekuar të qytetarëve të ndershëm, punëtorë, të aftë. Në vendin e qytetarëve që e duan dhe e ndërtojnë të ardhmen e tyre në Shqipëri”,-tha Berisha./CNA

 





Lajmet e fundit nga