web counter
LEXO PA REKLAMA!

SHKARKO APP

App Store
Google Play

E fundit!

x

Amnistia penale për 380 persona/ Lamallari: Mundësi e dytë, nuk nisemi nga qasja ndëshkuese

12 Janar 2026, 18:18, Politikë CNA

Amnistia penale për 380 persona/ Lamallari: Mundësi e dytë, nuk

Ministri i Drejtësisë, Besfort Lamallari u ndal sot gjerësisht te amnistia penale e shpallur gjatë muajit dhjetor të vitit të kaluar për 380 persona.

Në një studio televizive, Lamallari e cilësoi si një akt që ofron një mundësi të dytë për individë të caktuar që kanë kryer një periudhë të konsiderueshme të dënimit të dhënë nga gjykata, teksa theksoi se rehabilitimi i tyre për një farë kohe i rikthen në familjet e tyre si njerëz më të dobishëm.

“Unë besoj fort se këta njerëz janë më të dobishëm që të kthehen pranë familjeve të tyre dhe janë rehabilituar sepse kanë kryer një periudhë të konsiderueshme dënimi të dhënë nga gjykata dhe pjesa e mbetur konsiderohet që nuk është në favorin e sistemit penitenciar as në favorin e vetë personit, por është një akt human që nga qeveria si shprehje e vullnetit politik që ka marrë përmes kësaj nisme dhe më pas me miratimin në parlament, bën të mundur që këta të kthehen në shtëpitë e tyre. Kjo është një mundësi e dytë që shoqëria iu jep këtyre personave. Sigurisht ne nuk duhet të nisemi vetëm nga një qasje ndëshkuese, por duhet të jemi të orientuar nga rehabilitimi dhe jo nga ndëshkimi, duke i integruar dhe dhënë mundësi reale që të rinjtë mos të bien pre e këtyre reformave”,-tha Lamallari./CNA





Lajmet e fundit nga