web counter
LEXO PA REKLAMA!

SHKARKO APP

App Store
Google Play

“2026, viti i antidiktaturave”/ Berisha: Ne do t’i japim këtij regjimi ndëshkimin që meriton

12 Janar 2026, 18:41, Politikë CNA

“2026, viti i antidiktaturave”/ Berisha: Ne do t’i japim

Kryetari i Partisë Demokratike, Sali Berisha ka marrë fjalën e tij në foltoren para Kryeministrisë. Berisha u shpreh se viti 2026 do të njihet në histori si viti i antidiktaturave.

Ai tha se bashkë me qytetarët protestues ndodhen në shesh për të ruajtur idealet e drejta dhe të lirisë. Kryedemokrati bëri thirrje për pjesëmarrje masive edhe për protestën kombëtare të opozitës që do të mbahet më 24 janar.

“Nga ky bulevard percillet mesazhi i shpresës dhe fitores. Viti 2026 do të shkruhet me gërma të arta në muret e kohës si viti i antidiktaturave. Viti në të cilin popujt e autokracive arritën ti përmbysin njëra pas tjetrës ato. Asgjë nuk mund të ndalë një popull për të mbrojtur idealet e lirisë. Ndaj këtu vijmë se besojmë te idealet e drejta dhe se këto ideale do të triumfojnë së shpejti. Kemi përballë regjimin më të turpshëm në Europë dhe botë. Regjimin që kudo ta prekësh rrjedh vetëm vjedhje të shqiptarëve. Regjim i cili mbahet në këmbë më mashtrime e trillime. Ndaj ne duhet t’i japim ndëshkimin që meriton. Edi Rama po ecën drejt grushtit të shtetit. Ai sfidon dhe poshtëron shqiptarët çdo ditë. Opozita ka vendosur të thërrasë një protestë më 24 janar ku do ti jepen mesazhe të qarta Edi Ramës. Prano ligjin dhe Kushtetutën përndryshe do të nxjerrim ne jashtë Kushtetutës”, tha Berisha. /CNA





Lajmet e fundit nga