web counter
LEXO PA REKLAMA!

SHKARKO APP

App Store
Google Play

FAKT/ Gazment Bardhi nuk shkon në strukturat e PD-së

13 Janar 2026, 11:37, Politikë CNA

FAKT/ Gazment Bardhi nuk shkon në strukturat e PD-së

Gazment Bardhi bën politikë nga rrjetet sociale. Një politikë tjetër e bën edhe me sherrnajë në Kuvend. Me zërin e tij kumbues, Gazi sherroset, bën si burrë, bën si i fortë, a thua është një trim i madh, e shet dhe moral shumë në politikë.

Morali i Gazment Bardhit në politikë është morali i prostitutës së përjashtuar nga shtëpia publike për imoralitet. Dhe këtë po e sjellim edhe me fakte. Gazment Bardhi ishte njeriu që tha do të largohem nga politika në qoftë se PD-në e merr Sali Berisha dhe është akoma aty.

Gazment Bardhi është njeriu që ka kallëzuar Sali Berishën dhe deputetët e kolegët e tij bashkëpunëtorë të grupit parlamentar dhe sot është sërish aty.

Gazment Bardhi është njeriu që ndenji brenda, i mbyllur në selinë e PD-së, duke e blinduar atë së bashku me Lulzim Bashën. Luli iku, Gazment Bardhi është aty.

Gazment Bardhi ishte kandidat për deputet në vitin 2021 në Qarkun e Elbasanit. Humbet turpshëm, lë edhe një viktimë. Njerëzit afër tij vrasin një qytetar, kushdo qoftë ai, është një viktimë.

Gazment Bardhi nuk shkel dot më në Elbasan. Jo se ka probleme me bandat, se ato ndoshta i ka qejf, por sepse nuk e pranon kush është në struktura. U zgjodh dhe iku, e harroi Elbasanin dhe demokratët e këtij qarku.

Në vitin 2025 u zgjodh në Fier. Mjafton të shkosh të pyesësh në Roskovec, në Lushnjë, në Divjakë, në Patos, në Fier e kudo tjetër. Çfarë të thonë për Gazment Bardhin njerëzit e strukturave të PD-së? Iku, është zhdukur. Jo vetëm nuk mundi të ngrinte strukturat dhe fushatën, aq sa mori një rezultat katastrofik. Më të dobëtin në historinë e PD-së. Aq mandate dhe shifra të ulëta, PD nuk ka marrë as në vitin e zi, 1997.

Gazment Bardhi nuk shkon në Fier, nuk e qasin, nuk ka ku të shkojë. Gazment Bardhin e gjen tek "Elysee"-ja në Tiranë, se edhe te selia e PD-së me zor vete, se e pështyjnë, e shajnë, pasi e dinë mirë se kush është.

Por mbrohet me tezën: Më sulmon Rama, më sulmon Balluku. Gazment Bardhin nuk e sulmon as Edi Rama, as Belinda Balluku, as njerëzit e tyre.

Gazment Bardhit nuk duan t'ia shikojnë turinjtë në Partinë Demokratike. Është një fytyrë e pështirë për demokratët. Është një njeri që i ka dhunuar, i ka sharë, i ka fyer, i ka ofenduar, i ka kallëzuar. Ky është Gazment Bardhi.

Prandaj nuk shkon dot në strukturat e PD-së. Ramën dhe Ballukun atje t'i ketë dhe të luftojë ditë e natë, por më parë që të jesh kundërshtar i Ramës dhe Ballukut, duhet të të duan në forcën tënde politike.

Kur në PD nuk të shohin dot me sy, sado të jesh përballë Ramës dhe Ballukut, atyre thjesht Gazment Bardhi u bën nder. Pasi sa herë ai të shfaqet dhe të kandidojë, askush nuk do të shkojë nga demokratët të votojë, por do ta braktisë dhe bojkotojë, ashtu siç ai i braktisi edhe në Fier, edhe në Elbasan, dhe ashtu siç demokratët e kanë braktisur kudo ku kanë parë fytyrën e Gazment Bardhit. /CNA





Lajmet e fundit nga