web counter
LEXO PA REKLAMA!

SHKARKO APP

App Store
Google Play

Samiti në Abu Dhabi/ Rama: Në fund të 2028 nuk do të blejmë më energji nga jashtë

14 Janar 2026, 12:38, Politikë CNA

Samiti në Abu Dhabi/ Rama: Në fund të 2028 nuk do të

Kryeministri Edi Rama ka marrë pjesë ditën e sotme në një panel diskutimi në kuadër të samitit të Javës së Zhvillimit të Qëndrueshëm që zhvillohet në Abu Dhabi. 

Rama u shpreh gjatë fjalës së tij se në dekadën e fundit është investuar në energjinë diellore dhe atë të erës. Kreu i qeverisë shtoi se në fund të 2028, Shqipëria nuk do të blejë më energji nga jashtë.

“Kemi burimet hidrike dhe jemi 100% me energji të ripërtëritshme. Jemi te niveli më i lartë i renditjes. Burime ujore do të thotë që ne varemi nga humori i Allahut. Kështu na duhet t'i drejtohemi importit dhe kjo bëhet e vështirë. Në këtë dekadë të fundit kemi bërë të mundur që të investojmë në energjinë diellore dhe atë të erës. Pra, të mos kemi më nevojë t’i drejtohemi importit dhe të jemi sovranë. Plani po ecën mirë dhe besoj se në fund të 2028 do të jemi sovranë dhe nuk do të blejmë energji nga jashtë. Po ashtu kemi një bashkëpunim strategjik dhe kjo ka ndodhur falë udhëheqësit tuaj të madh që ka vizionin që shkon përtej kufijve. Ai mendon t’i shërbejë njerëzimit dhe të prekë jetën e qindra miliona njerëzve jashtë vendit tuaj. Ambicia jonë është që së bashku me Emiratet Arabe dhe Italinë të kemi një bashkëpunim trepalësh. Përmes kabllos ndërlidhëse me Italinë t’i shërbejmë Europës”, ka thënë Rama. /CNA





Lajmet e fundit nga